المشاركات

عرض المشاركات من 2012

عنبر العقلاء25 - عن بابا نويل و رأس السنة

صورة
في واحدة من تجلياتي الجنونية العاقلة, قابلت بابا نويل..و هو الشيخ السلفي الذي يظهر في مناسبة مسيحية رأس كل سنة ليهنئ الاطفال الاشقياء

يبدو ان الاخ بابا نويل مش بيهتم بكونه مش واقف مع الشخص المناسب لكن ما علينا,هو حر..

فسألته يا أبونا, إيه أخبار هداياك و عطاياك المناح في الليالي الملاح
لصحابنا في قنوات الهدي القويم و التمدن السليم..
و الزاهدين في السلطة من المتشبثين فيها و المتشبثات , و الساعين لهدم السلطة و صعودها و الساعيات .
اخبار هداياهم ايه يا مولانا؟!

بخصوص الوجه الجديد للمدونة

صورة
التدوين للانسانية شعار المرحلة
و لازم يكون التصميم الجديد لايق على المدون الذي صرته و المكانة اللي بأحتلها في عالم التدوين حاليا...

الكتابات هتاخد منحى جديد و التصميم هيساعدكم افضل و بقى اكثر احترافية..
هندخل مع بعض مرحلة جديدة في المناقشات و المواضيع..
و هتستمر كل الحاجات القديمة اللي بتحبوها..

المذكرات

القصص

عنبر العقلاء25 - مين فينا المجنون

صورة
أنا عارف إن أنا مجنون..

ده لا شك فيه انت كقارئ لما أقبلت على قراءة الباب ده عارف كده, و كإن كان في إتفاق ضمني بيني و بينك على إن أحدنا مصاب بالجنون..و بما إني الوحيد اللي بيتكلم هنا فأعتقد الشكوك كلها تنحصر فيّه انا.

أنا مجنون, لكن لما تكلمني عن كل إنتقاد موجه لشخصية لسبب ما مجنون بيسموها دينية, وهي لا تقرب من الدين سوى إسم القناة الظاهرة فيها تعتبر نقدي شتيمة للدين...يبقى لازم نتأكد مين اللي مجنون!

أخطاء

صورة
الإثنين 17 ديسمبر 2012
_______________

أخطاء:
-  الأستاذ الفاضل اللي قال " العقل السليم في الجسم السليم " كان عنده خطأ منطقي.فضلا عن خطأ إحصائي.....فادح.

- خطأ آخر, " إمشي عدل يحتار عدوك فيك " الحقيقة إن عدوك إن رءاك "بتمشي عدل" فلن يحتار عن تلفيق التهم لك , و الناس ستصدق عدوك على قدر كاريزميته و منصبه.

عنبر العقلاء25 - نتحاسب بالدستور

صورة

كيف تكبر دماغك؟

صورة
الإثنين 10 ديسمبر 2012
_________________

بعد مرور هذا العام بحلوه و مره ..يرغب الواحد فينا بتصفية ذهنه و مراجعة حساباته و تقييم نفسه.
و ده محتاج قدر كبير جدا من صفاء الفكر نطلق عليه بالعامية "تكبير الدماغ"..

فكيف تكبر دماغك؟..

سأورد بعض الطرق هنا مما عرفته او جربته شخصيا:

تجربة النسكافيه

صورة
الإثنين 3 ديسمبر 2012
_________________

فجأة طرأت لعقلي فكرة جنونية, سأجرب شيئا جديدا لم اتوقع ان اجربه من قبل,و يشترط بهذا الشيء ان لايكون جنونيا للغاية, و فجأة بدر لذهني القهوة و النسكافيه..قلت و لما لا؟.

أنتم تعرفون عداوتي للبتروكيماويات من القهوة و النسكافيه و الكابيتشينو و الموكا و السبريسو و كل هذة المصطلحات التي لا تعني لي سوى شيئا واحدا...الكثير من الجاز و بعض التعديلات..

مغازلات الغروب

صورة
السبت 1 ديسمبر 2012
_________________

الغروب, و العام يلفظان أنفاسهما الأخيرة..
الغروب يذكرك بألاف العشاق يتعانقون حول العالم في حضرته و بهائه..
الغروب, اللي لو ربنا ماخلقش غيره لكان كفى, و اللي ساعات بأتمنى انه يكون ال24 ساعة غروب؟
أتمنى احصل على كوكب طول الوقت فيه غروب , أو بلد بس, عشان ما أبقاش طماع..
الغروب, و الاف الملائكة المذبوحة على طرف السجادة الزرقاء للمساء مدافعين عن النهار المنسحب..

عنبر العقلاء25 - الصحة

صورة

البحث عن السيد غسان

صورة
الثلاثاء 13 نوفمبر 2012
________________

"تدور الأحداث في يوم السبت الماضي بتاريخ 10 نوفمبر"

يبدأ الأمر كالعادة بإتصال من (أسماء) يسبق السبت بعدة أيام تخبرني فيه عن رغبتها في تجربة مطعم تركي جديد, و هي كالعادة لاتعرف موقعه أو جودة أطعمته و قررت أن تتشارك خبرتها مع شخص لا يستطيع أن يمضي خارج غرفته دون تذكير نفسه بسبب الخروج, و المقصود هنا أنا..

الهالوين

صورة
الإثنين 29 أكتوبر 2012
________________

لقد إقترب الهالوين..
حفلة تنكرية لمجموعة من الناس ترتدي أقنعة و أزياء مزيفة مرعبة..
بصيغة أخرى, حياتنا الواقعية في شكل أبسط..
مين فينا مش متوقع إن في أي لحظة القناع هيقع من على وجه جاره و يسمعه و هو بينم فيه و بيجيب في سيرته و خصوصياته؟.

عن أفلام العيد..أتحدث بإختصار

صورة
عن أفلام العيد أتحدث:

يعني أكيد لمحتم و لو للحظة إعلانات أفلام العيد المؤسفة - و إسمح لي أقول مؤسفة - و مدى تدني و رداءة محتواها ( رغم علمي التام إن أفلام العيد هي مجرد فبركة سريعة بتلم فلوس) إلا إننا يوما ما لما كنا صغيرين كنا بنشوف الهادف و التافه و إتعودنا على مستوى معين من التفاهة.

ما بعد منتصف الليل

صورة
الجمعة 19 اكتوبر 2012
________________

أرتشف من شفة الكوب الساخن من الشاي و النعناع..
صوت إرتطامه بالمكتب يبدو كألف مطرقة في هذا الوقت من الليل (أو الصباح إذا أردت الدقة الجغرافية لتسمية الوقت ما بعد منتصف الليل)..

الاختلافات

صورة
- اولا لا بد ان تفهمها لا تستنفرها لله و للوطن او تكفر صاحبها او تتهمه بدون معرفة بما يعنيه معتقده..اغلب الذين يكفرون الليبراليين او الحداثيين او المتنورين او او او ...يكفرونهم لمجرد الاستسهال و كسب الساحة..و كذلك من يتهم بعض التيارات بالجهل او الرجعية دون معرفة منهجه.

- ببساطة يمكنك ان تقرأ او تستفسر عن معنى المعتقد او الفكرة او الظاهرة وتشوف انتقاداتها و ميزاتها و رأي اعداءها و مؤيديها فيها.
ولما توصل لإلمام نهائي تكون رأيك بس لازم تعرف ان رأيك يخصك وحدك وليس من حقك اجبار اخرين على تبنيه بأي نوع من التخويف او القمع الجسدي او الفكري.

قاموس

صورة
الوطن: في المعجم الشخصي - هو حيث أكون, و تكون حقوقي و يكون وجداني , و يكون واجبي محترما كحقي.

#قاموس



رفقة: في المعجم الشخصي - دوائر تتداخل مع دائرتك لا تنتهكها ولا تشوه إستدارتها الهندسية المتقنة.

#قاموس



رهق: في المعجم الشخصي - حياتنا , أصل من فعل الوجود...لاترادفات ولا طرق أخرى غيرها.

#قاموس



بيدوفايل سيندروم : في المعجم الشخصي- إنتهاك أحلامنا و لحمنا منذ الطفولة, و يبقى الطفل داخلنا حتى نزج به في القبر رغما عنه.

#قاموس



روماتيزم :في المعجم الشخصي- رغبتي الملحة في فعل أهم الاشياء , العمل ..العلم..الرواج.

#قاموس



ذاكرة: في المعجم الشخصي - كوب ماء كم أود أحيان الخلاص منه .

#قاموس



وردة : في المعجم الشخصي - أحتاجك بجواري رغم بساطتي, ليس عندي ما يبهرك..سوى مشاعري الحقيقية للغاية نحوك.

#قاموس



تفكير : في المعجم الشخصي - لحظة نادرة, نشاط أزلي..رغبة محاطة بالأشواك...صميم ..الأصل فكر..و الفعل: غير موجود.

#قاموس



ثقة بالنفس : في المعجم الشخصي - أن تعرف متى تتوقف.

#قاموس



جمهورية : في المعجم الشخصي - رواسب مأكولة, و خيرات غضت و فضت.

#قاموس



إنتفاضة: في المعجم الشخصي - رقصة ذبيحة في عالم نائم, على أمل ان يستيقظ على وقع ال…

اي كلام في تدوينة

صورة
بقى لي كتيييييييييييييييييييييير مادونتش..
و بما إني بقى لي كتيييييييييييير مادونتش يبقى أكيد مش لاقي حاجة أقولها في تدوينة
أصلي هأدوّن عن إيه؟
على مرسي و هو بيعدل بنطلونه ولا وزير الاعلام اللي بيقول "اراء سخنة زي أرائك"  ....؟
التدوين مش سهل كده , و دي حاجة اكتشفتها خلال رحلتي التدوينية 12 سنة..وتعرضي لكذا platform تدويني بداية بـ سيرفرات مجانية freeservers و ucoz و و و و و نهاية بـ بلوجر.

أربعاء و أصدقاء و أسماء و أي حاجة أخرها (اء).

صورة
الأربعاء 26 سبتمبر 2012
_________________

لازم أكتشف سر أيام الأربعاء..
لو ركزتم هتلاقوا إن معظم الأيام اللي بأكتب فيها الأربعاء, و العجيب إنه لا يوم أجازة ولا نهاية أو بداية أسبوع, بكل تقلبات حسابات اليوم الأول في الاسبوع.

لكن رغم ذلك أصرّ كالجاثوم أن تكون أغلب كتاباتي فيه. ربما بعد قرنين من الان سيكتشف عالم ما إن اشعاعا ما يتسبب بهذة الظاهرة لكن دعنا من هذا الان.

تعبت من قول الحقيقة

صورة
الإثنين 10 سبتمبر 2012
________________

أنا ممل عارف,أنا قلت لكم الكلمة دي كتير لدرجة إنكم مللتم من اخباري لكم بأني ممل, و هأسيبكم مع نفسكم دقيقتين عشان تستوعبوا الجملة الماضية بهدوء و تفهموها تماما.

و بأحترم ذكاؤكم البشري,عشان كده وضحت لكم جملة في غاية السهولة زي الجملة اللي فاتت, وكل ده من دافع حبي الشديد لكم و إحترامي لأدنى درجات الذكاء المتوفرة فيكم.

لماذا لا أدخن؟

صورة
السبت 1 سبتمبر 2012
______________

و بعد إنقطاعي لفترة العيد بسبب العيد - يا للوضوح!- و حضور والدي من المملكة و رحيله فقد إنشغلت لفترة لا بأس بها عن كل انواع الكتابة , لكن يمكنني ان اختصر حياتي في هذة الفترة في مجموعة من الـ (مشوار - تحايل - مشوار - معاملة بنكية - مشوار - تقييد شهادات - مشوار - امور منزل) لليوم الواحد ..

اشياء نؤمن بها لكننا لانؤمن بها

صورة
الثلاثاء 14 أغسطس2012
________________

مش قادر أصدق اني ما بقيتش أكتب يوميا في مذكراتي,لازم مادة تتحط في الدستور الجديد تحتم عليّه اني اكتب فيها يوميا..
المهم النهاردة هأتكلم على حاجات بنؤمن بيها لكن مش بنؤمن بتطبيقها لإننا مش بنؤمن بيها..إتلخبطت؟؟, مش اكتر مني تعالا نشوف:

(دع الخلق للخالق)
مش بتقدر تعيش من غير ما تدخل في حياة الناس, و تفرض عليهم اللي إنت مؤمن بيه و بتفكر فيه,

أحبوووش

صورة
الأربعاء 8 أغسطس 2012
________________

أعاني من حالة فصام تمكنني من تحمل هذا الكم من العته الرمضاني المنتشر في الأجواء بشدة!.

كم التدهور في إنقطاع الكهربا و البلطجة و المياة ممل و محنق و بيخليك تفقد اعصابك غير اضراره على المستشفيات و غيرها.
ماتبصوا ليش أنا, بصوا للمسئولين و بعدها بصوا لـ (مرسي) اللي مش راضي يحاسبهم أو يشد عليهم و لوموهم و لوموا اللي انتخبه.

خيرا تعمل شرا تلقى

صورة
الأربعاء 18 يوليو 2012
________________

اختي بتحاول تصحيني..
أول حاجة بتيجي في بالي لما حد بيصحيني إني أقول له ماتحاولش, رغبتي عارمة في الرجوع للنوم بتتفوق على اي أهمية مُقبل عليها لو صحيت..
مش كسل,لكن مش حابب أرجع للعالم, للأسف لحظة صحيانك من النوم هي اللحظة اللي بتدرك فيها انك كنت مرتاح و ان في حد او حاجة سلبك الراحة دي !, و ان عليك ان تستعد لمواجهة العالم و المشاكل الخاصة بيك و كل حاجة انت سبتها قبل ما تنام و إحتمال تكون اتمنيت انك ماترجع لهاش تاني.

الزلزال من وجهة نظر المشاهير

صورة
دي بعض التويتات و بوستات الفيس اللي توقعت فيها بشكل ساخر ردود فعل المشاهير على موضوع الزلزال اللي حصل في يوم 9\7\2012


الهزة الارضية التي شعرتم بها منذ دقائق ماهي الا امن دولة يحاول تشويه صورة الارض
المجلس العسكري: لاتعليق على الهزة الأرضية 
شفيق: الهزة الارضية مش مبررة لو مبررة كانت هتلاقي العرض يعمل كل الناس ضدك 
حمدين صباحي: الهزة الارضية مرفوضة اتقاء لشر الفتنة و معارك تنازع السلطة مع السلطة القضائية

التدوين الموحد اسئلة التدوين اليومي

1/ عرف نفسك ؟
محمد مجدي عبد العزيز علي محمد البرقي - كاتب و لي فكري و فلسفتي الخاصة شاعر احيانا - حداثي ابدا

2/ ما أكثر ما يميز شخصيتك ؟
بحب أسعد الاخرين حتى لو على حساب السخرية من نفسي مكافئتي ان يكون الناس أفضل
اؤمن بالحب اكثر من الصداقة
3/ ما هى اهم نقطة تحول فى حياتك ؟
النقطة التي وصلت فيها لله ليس توريثا في البطاقة و انما بالفكر و ساعتها حسيت كم الكذب اللي في حياتنا و قررت انقل تغييري لشخص واحد على الاقل.
نقطة تحول اخرى كان لي صديق واحد والنقطة كانت عندما توفي بسرطان الدم

الحلم - 8 - أعراض جانبية - الاسقاط المتناظر و البلاك اوت

صورة
يمكن ما درسناش دي جا فو بتوسع كامل...الغرض من السلسلة أيضا مش هو التوسع هو الغرض السرد و الإخبار ببعض المعلومات و التفسيرات من نظري و المفترض انها اول مرة تاخد بالك منها,جديدة يعني.

من ملاحظاتي..في أعراض كتيرة بتنتج عن الإفراط في حدوث الظاهرة دي عند الاشخاص , الشائع منها الصداع و التشتت و عدم التركيز و ظهور خيالات نظرية و افكار مسبقة..

لكن اهم عرضين جانبيين هنتكلم عنهم هم الإسقاط المتناظر و البلاك اوت black out

الإشاعة أم أنت؟

صورة
رئيس بدون صلاحيات, و أخبار مكذوبة متناقلة..كم رهيب من الإشاعات و خناقة عائلية ضخمة في بورما تتحول لإبادة شاملة..
قدرة الاجهزة الإعلامية  على استخدام الشبكات الاجتماعية و التلفزة في نشر المهولات رائعة بصراحة.

هجوم صارخ على رئيس شرطة دبي بسبب تصريح مسيء له عن رئيس ثرنا على من قبله بسبب تمجيد الناس لشخصه لا  لوطنه تحت الشعار الأزلي (كرامة الرئيس من كرامة مصر).
الأهم ان التصريحات اخدناها من تويتر..اللي ممكن ببساطة أعمل نفسي فيه أي

الأحلام - 7 - نظرية الاحتمالات و العلاقة بالتقمص

صورة
نظرية الاحتمالات: نظرية الإحتمالات نظرية وضعت لدراسة نسبة الخطأ في تفاصيل الحدث التاني لـ دي جا فو عن الحدث الأول..او الحلم او الظاهرة..

تنص على "ان دي جا فو لا تعرض بالضرورة احداث محققة , بل تعرض احتمالات الحدث في دي جا فو ..و عند تكرار الحدث قد تختلف تبعا لعوامل مختلفة"

شعبية ام سرسجية ؟

صورة
الأغنية الشعبية: الأغنية الشعبية هى تلك الاغنية التى ترتبط بمكان وبيئة وجماعة ما من البشر مثال ذلك اهل الريف اهل الصحراء النوبة وهكذا ومن امثلة تلك الأغانى أغانى دورة الحياة (الميلاد ومراحله كالسبوع والختان ......الخ – الزواج ومراحله – الموت).

ده تعريف الأغاني الشعبي و الزجل و فنونه الشعبية المصرية, في أيام لما كنا نجرؤ على إننا نقول على الاغاني الشعبية فنون.

ماذا تعلمت من الرسوم المتحركة؟

صورة
السبت 16 يونيو
_________

كل ما كبرت, بقيت أفتكر الحاجات اللي كانت بترسم طفولتي و طفولة اغلب الناس من جيلي, و خصوصا أفلام الكرتون (الرسوم المتحركة) فترة طفولتي عدت عليها اشهر الرسوم في التاريخ و اجملها,فلو ماحدش شاف اللي شفته على الأقل هيبقى فاهم أنا بأتكلم عن إيه؟.

سريالية

صورة

هي !

صورة
هي علمها و عملها من يجعلان لها قيمة, الطرحة لاتجعل لها اي شيء سوى الستر ...رغم ذلك قد يفوح منها جهلها.

هي كائن له وجود  و مشاعر ومشكلات من حقها الحديث عنها..و امال و آلام و عيون ترى و غريزة ترغب بشكل طبيعي...فلا تجعل نصيبها من كل شيء اقل منك.
هي لوحة فنية ابدع فيها الخالق ليس لمجرد ان نتمتع بهذا الجمال بشهوانية قذرة, بل لنقدره و نعرف انه يرمز لكل ما بداخله, لان داخله اهم من خارجه.
هي لم تكن لتصبح رجلا دونها, فما تميز الشيء إلا لوجود عكسه, لكن هذا الفرق فرق معنوي و ليس عضوي.

الاحلام - 6 - نظرية النقطة المركزية

صورة
هي نظرية من وضعي الخاص , بتحاول تفسير الترابط بين الزمن و مكان الشخص فيه و حدوث الظاهرة و سهولة تحركه لموقع الظاهرة من الزمن و بعدها رجوعه للوقت الحالي تاني.

النظرية تنص على "تخيل الزمن رسم حلزوني كلما ابتعدنا عن المركز الى طرف خارجي تقدمنا بالزمن و كلما اقتربنا من المركز اقتربنا من الوقت الحقيقي الحالي, مع افتراض حرية التنقل و تقارب حدوث الظاهرة".

أنا و ليلى - حسن المرواني

صورة
دع عنك لومي واعزف عن ملامات
إني هويت سريعاً من معاناتي

الأطفال مشاريع أوغاد

صورة
الإثنين 21 مايو 2012
______________

من زمان بأحاول أقنع نفسي بالخدعة اللي بتقول إن "الأطفال ملايكة" , لكني ماقدرتش..
كل ما أراقب الحيوانات الصغيرة دي كل اللي بأشوفه هو شياطين صغار في مرحلة الـتأهيل ليتحولوا لكائنات لحوحة مملة قذرة منعدمة الضمير و الحس متملقة متزلفة و مزيفة.

الأطفال مشروع وغد تحت الإنشاء لسة ماوصلش لوغد كامل..و تبقى بتكدب على نفسك لو إعتبرتهم حلوين وعساسيل..

الأحلام - 5 - دي جا فو و السفر عبر الزمن

صورة
بعد كل التفسيرات العلمية و النفسية .. حتى الجزافية و التخمينية للظاهرة "دي جا فو" * , تفضل الظاهرة الاكثر لفتا للانظار و رغم كل ده إلا ان اللي تعرضوا للظاهرة دي يفضلوا الدليل الاقوى ان مش دايما الافتراضات العلمية بتكون صحيحة ناحية النظرية دي.

"دي جا فو" مش مرتبطة كليا بعقيدة تناسخ الأرواح و اللي بتهدد الجانب العقائدي الديني لدى الكثير من الاديان السماوية , الحقيقة ان "دي جا فو" بتمعننا فيه من الدلائل القوية و الخفية على قدرة الخالق و وجوده (عز و جل) فمن غيره يستطيع ان ينقل لا وعيك إلى خط زمني متقدم و يرجع للحالي دون تجارب علمية او دراسات مطوّلة لسنين..مجرد انك تنام و الموضوع يحصل بانسيابية و سهولة انتقال عالية..تخيل الاحتمالات لو امكننا نتحكم في الظاهرة دي علميا و نسخرها للسفر للاماكن بسهولة و بدون تكاليف وبسرعة عالية جدا.


وغد..و أوغاد..

صورة
الأحد 13 مايو 2012
______________

يستطيع كل موظفي الحكومة جعلك تستشيط غيظا و تموت كمدا بأبسط حركاتهم.
فمثلا لما تروح جامعتك عشان تعيد ختم ورق البطاقة لان المعتوه الاول ختمها بختم النسر و كأنه بيقص حتة من الورق أو بيقطع عجينة, طول عمري مؤمن بالغباء البشري و أنه يتسع ليشمل الكون لكن النهاردة كان تجربة فريدة من نوعها,لإن الغباء البشري اخد صورة العند..
وآه كم احب العند..

المهم رحت لأول معتوهة عشان اطلب اعادة الختم و سلمتها الورق بعد طلب مهذب ورقيق مني بأعادة الختم بشكل اوضح..وعدت بعد ساعتين لاستلامها كما ينص قانون البيروقراطية المصري..

العودة إلى بؤرة المجانين

صورة
الجمعة 11مايو 2012
______________

لسبب ما مجنون رجعت للسجل المدني إمبارح - الخميس- عشان اكمل اجراءات تجديد بطاقتي..
سبق و إتفقنا قبل كده ان القبض عليك اسهل من تجديد البطاقة في سجل مدني (حلوان) لكن لفكرة ما - لعن الله ناقلها لرأسي - رجعت عشان اكمل الاجراءات.

و خلّيني أقول لكم على حاجة,في المعاملات الحكومية في شوية قوانين لازم تتبعها عشان اليوم يعدي سلس بقدر الامكان.

ارحل و عارك في يديك - رسالة لجورج بوش - فاروق جويدة

صورة
كل الذي أخفيته يبدو عليكْ
فاخلع ثيابك وارتحلْ
اعتدتَ أن تمضي أمامَ الناسِ يومًا عاريًا
فارحل وعارُكَ في يديكْ

نظرية النظام العازل

صورة
الظاهر ان تطلعاتنا للرئيس القادم بقت متدنية جدا,فقمة أملنا و أكبر ما يهمنا هو "إتحبس كام مرة؟" و "تم اتهامه بالظلم في العهد البائد؟" مين قال اننا عايزين رئيس رد سجون؟, المفترض في الرئيس القادم هو النظر في "هيعمل إيه؟" و اليات تطبيقه و نبطّل نبص هو "إتعمل فيه إيه" فزعيم اخواني تم اتهامه بالاعداد لثورة يناير - رغم انهم قالوا مش هيشاركوا فيها - مش هيفيدني بشيء, و تصنيف اي زعيم بطريقة (حيوان - فئة) زي "اسد السنة" و "نسر الثورة" و كل ده برضه ما يدي لكش الحق في قيادة دولة..كبيرك تقود حديقة حيوانات الجيزة.

قيادة..مدارس..و اشياء اخرى

صورة
الأربعاء25 إبريل 2012
________________

البارحة كانت تجربة متنوعة..
القيادة في الصباح في (مصر) أشبه بمحاولة حمل كوب شاي ساخن فوق سيجارة مشتعلة ضاربا بقوانين الفيزياء عرض كل حوائط المنطق.
إنها ذروة صباح يوم مدرسيّ حيث الطلاب في كل مكان كالسعادين الطليقة في غابة من شجر الموز.

عن #التحرش .. أغرّد - من تويتر

صورة
الحقيقة موضوع التحرش مش شوية تويتات هتحله انا عارف , انما في قناعات و مبررات و هتافات تابوية غريبة بيقولها اللي حافظين و مش فاهمين و اللي بيبرروا لنفسهم هذا التصرف الشائن,عشان مش كمان ما يعترفوش بغلطهم بل كمان يلاقوا سبب يستمروا فيه..
و تيوتر وسيلة جيدة لنشر الوعي الثقافي و تطهير المجتمع من الافة الحقيرة دي اللي لو اختفت مصر هتقطع شوط كبيييييير نحو التقدم..


نبتدي:


الأحلام - 4 - ظاهرة شوهد من قبل

صورة
زي ما إتعرضنا في الحلقات السابقة لأنواع الاحلام, لازم هنا نتعرض لأنواع النوم قبل ماندخل في موضوع ظاهرة (شوهد من قبل) ..لان ظاهرة شوهد من قبل بتظهر في انواع معينة من النوم.

انواع النوم حسب تقسيم الدكتور( محمد عادل الحديدى ) مدرس الطب النفسى بجامعة المنصورة.. ينقسم لنوعين :

* النوم الإسترخائي : هو نوم بيعمل راحة نفسية و استرخاء و بيخلص الجسم من الاجهاد و الارهاق اللي بيتعرض له طول اليوم و بيشمل كل اعضاء الجسم حتى العقل.

الأحلام - 3- الإسقاط النجمي

صورة
قبل ما ندخل في موضوع "الإسقاط النجمي" لازم نفهم بعض قوانين الاحلام, او الملاحظات اللي اكتشفها الحالمين او اللي لاحظوا احلامهم و درسوها:

* احنا دايما ما بنعرفش الحلم بدأ ازاي دايما بنحس اننا في وسط الاحداث..ماعدا احلام الدي جا فو ( و هنتكلم عن الظاهرة دي بالتفصيل بعدين).

* عقلك في الحلم بيشتغل بسرعة عشان كده الوقت بتحس بيه ابطأ بمعنى انك ممكن تعيش احداث ساعة مع ان الحقيقة مر فيها 5 دقايق بس.

* الحلم بيتحكم في مجراه و تفاصيله المشاعر البشرية و التأثيرات البصرية, الوعي بيحكمه المنطق, و اللاوعي بتحكمه المشاعر.

الأحلام- 2- تحليل علمي لابد منه

صورة
بحث تم إجراءه في جامعة (هارفارد) بيأيد الفكرة اللي بتقول ان النوم و الأحلام بيدعموا التعلم أثناء اليقظة.
فلو صحينا شخص بمجرد ان ينام هنلاقي في دماغه صور من اخر حاجة كان بيعملها.فمثلا لو كان بيلعب لعبة كمبيوتر قبل ما ينام..فهيحلم بيها و بصور من اللعبة دي و ده هيحسن اداءه فيها المرة القادمة.
و بعض من الاتجاهات لا تؤيد فائدة من تحليل احلام الاخرين.

ألوان : الأحمر

صورة
هل سبقني أحد و تغزل فيك يا سيدي..
لربما اكون انا اول البشر, فهم لا يعرفون عنك سوى النار و الدماء والدمار..
هل سبق وكتب فيك المديح؟
فأنت - يا سيدي - لون فواكهي المفضلة..تفاحاو بطيخا..و كرزا..
و أنت يا سيدي, لون ناري يشعل الحماسة و الاثارة في قلوب العشاق,فكأنهم على حلبة سباق لارضاء معشوقيهم.
أنت لون ثوري, يحمل في طياته شرف الشهداء و تعاسة الجبناء..
انت يا حبيبي, هل سبق وناداك احدهم بـ"حبيبي" ؟ اجمل ما يطلى على الشفاة,فلا تدري اهو طعم صاحبتها ام طعمك انت؟.

الأحلام -1 - تقسيم انواع الاحلام

صورة
"الاحلام هي نشاط عقلي يحدث اثناء النوم"..
و الحقيقة ده التعريف الأكثر دقة علمية لان في تعريفات تانية بتقول انها استرجاع لذكريات احداث اليوم, وأظن من خبرات معظمكم الكلمة دي ابعد ما يكمن عن الحقيقة لان ده مش هيفسر الحلام الرعب او التخيل او الاحلام اللي ماتعرفش معناها او مالهاش دلالة فعلية.

معظم ملاحظات سلسلة الاحلام مبنية على خبرات شخصية  او خاصة بأشخاص اعرفهم اتكلموا عنها, و الحقيقة ان عالم الاحلام عالم لا ينطبق عليه القواعد العلمية لانك ممكن تفكر فيه كمكان كل القواعد و المسلمات قابلة للتعديل زي الجاذبية و طبيعة الاشخاص و قدراتك الجسدية

كذبة إبريل

صورة
الأحد 1 إبريل 2012
_____________

الحقيقة دوّرت كتير عن متن الموضوع - وده مش من عاداتي ان اضع العنوان قبل متن الموضوع - لكن قررت بأن مادام الحياة كذبة بيضاء يمكننا ان نستمتع بها قليلا..ليه لأ؟!.

الحقيقة هأحط في السطور القادمة دي عدة حاجات من المرشحين لانهم يصبحوا كذبة ابريل.
البداية ادارة جامعتنا الممجدة اللي مأخرة النتيجة لحد الان و احنا على وشك امتحان الترم الثاني..

#أنا_من_جيل - تويتر هاش تاج

صورة
‏ كلاسيكي لا سلفي ولا اخواني ولا علماني ‎‏ البومب ابو عشرة صاغ ‎‏ كان عايش وعارف انه هيموت والرئيس هو محمد حسني مبارك

ألوان : الأسود

صورة
الأسود:
ملك الألوان,عشان كده هأتكلم عنه الأول..
الأسود هو اللون اللي بيؤول له كل شيء في النهاية هو الخلفية البكر للكون و اللاوجود..
الأسود مرتبط في أذهان الناس بالحزن و الزعل, لدرجة انهم بيظلموه و بيلبسوه في العزاء بينما انا - من منظوري المتواضع- شايف ان اللون الابيض اقرب للحزن من الاسود.

فأنا اكون في كامل سعادتي حينما ارتدي الاسود والتحف به متسربلا في ليل من الاقمشة..
ما أنكرش كمان إنه بيظهر جمال الألوان التانية و رغم التابو المزروع عندنا من بداية

الاحلام - ارهاصة

صورة
الاحلام اللي بتشوفها و اللي بتحس انها طبقة رقيقة في نسيج من اثير فارغ من الفضاء, او كأنها ديكورات مسرح اطفال دايما لما تكون في الحلم مش بتحس بعمق التفاصيل, و بيبقى اغلب اللي بتدعي انك شفته لما بتصحى مجرد خيال مشوه بتشعر ناحيته انه الشخص الفلاني او الشيء العلاني.

الحقيقة اننا في اغلب الاحيان مش بنشوف التفصيل نفسه في الحلم و إنما بنشوف منسوج خيالي منه متشابه تقريبا في 50-70% من شكل الحاجة الحقيقية اللي نعرفها او متوقعين نشوفها في الحلم.

مستعجلين ليه..هنتكلم بالتفصيل و من الاول, في مجموعة التدوينات القادمة...استنوني


حق المواطن

صورة
الإثنين 26 مارس 2012
________________

بدأت اليوم, كالعادة بعد ما صحيت و نمت ما يقارب 50 مرة في سريري لسبب ما الايام اللي بيبقى فيها مشاوير مهمة بتنتابني حالة من النوم الاجباري.
المهم لبست هدومي و اتكلت على الله و بدأت مشواري بالسجل المدني في حلوان, و لمعرفتي المفرطة و عبقريتي الفذة و حتى لا يختلط الأمر عليكم المقصود بالتأكيد هو ليس السجل المدني بجوار القسم, اقصد التاني اللي في عمارة لو لقيتها لوحدك تستحق جائزة نوبل , تحتها