السبت، 31 مارس، 2012

الجمعة، 30 مارس، 2012

ألوان : الأسود

الأسود:
ملك الألوان,عشان كده هأتكلم عنه الأول..
الأسود هو اللون اللي بيؤول له كل شيء في النهاية هو الخلفية البكر للكون و اللاوجود..
الأسود مرتبط في أذهان الناس بالحزن و الزعل, لدرجة انهم بيظلموه و بيلبسوه في العزاء بينما انا - من منظوري المتواضع- شايف ان اللون الابيض اقرب للحزن من الاسود.

فأنا اكون في كامل سعادتي حينما ارتدي الاسود والتحف به متسربلا في ليل من الاقمشة..
ما أنكرش كمان إنه بيظهر جمال الألوان التانية و رغم التابو المزروع عندنا من بداية

الخميس، 29 مارس، 2012

الاحلام - ارهاصة

 الاحلام اللي بتشوفها و اللي بتحس انها طبقة رقيقة في نسيج من اثير فارغ من الفضاء, او كأنها ديكورات مسرح اطفال دايما لما تكون في الحلم مش بتحس بعمق التفاصيل, و بيبقى اغلب اللي بتدعي انك شفته لما بتصحى مجرد خيال مشوه بتشعر ناحيته انه الشخص الفلاني او الشيء العلاني.

الحقيقة اننا في اغلب الاحيان مش بنشوف التفصيل نفسه في الحلم و إنما بنشوف منسوج خيالي منه متشابه تقريبا في 50-70% من شكل الحاجة الحقيقية اللي نعرفها او متوقعين نشوفها في الحلم.

مستعجلين ليه..هنتكلم بالتفصيل و من الاول, في مجموعة التدوينات القادمة...استنوني


الاثنين، 26 مارس، 2012

حق المواطن

الإثنين 26 مارس 2012
________________

بدأت اليوم, كالعادة بعد ما صحيت و نمت ما يقارب 50 مرة في سريري لسبب ما الايام اللي بيبقى فيها مشاوير مهمة بتنتابني حالة من النوم الاجباري.
المهم لبست هدومي و اتكلت على الله و بدأت مشواري بالسجل المدني في حلوان, و لمعرفتي المفرطة و عبقريتي الفذة و حتى لا يختلط الأمر عليكم المقصود بالتأكيد هو ليس السجل المدني بجوار القسم, اقصد التاني اللي في عمارة لو لقيتها لوحدك تستحق جائزة نوبل , تحتها

الأربعاء، 21 مارس، 2012

الترشح اللاإرادي للرئاسة

لو عرفتم عدد مرشحي الرئاسة وصل لرقم كام دلوقتي..هتكونوا عملتوا الإنجاز الفعلي لهذة الفترة الحاسمة من تاريخ (مصر)!.

ماتزعلوش مني, أصل هنعمل إيه بمرشح إبن لقيط للملك (فؤاد), ولا بمرشح جاي بشبشب أو موتوسيكل, ولا بمرشح يلقب (مبارك) بأمير المؤمنين السابق؟!..

مش هيضيفوا حاجة لسلسلة القرارات المحبطة من نوعية "إلغاء المواقع الإباحية" غير قرار محبط جديد,أو هيسمحوا بالعفو الكامل عن الجرائم السياسية... الكلام ده معروف.
الحقيقة إني مش هأفرض عليك إنك ترشّح شخص معين, و مش محتاج أكرر سيناريو "إن ترشيح شخص لازم يكون مبني على أسس سليمة و عدم تعصب و إلخ إلخ" لإن الكلام ده من الواضح إنه إترمى في الزبالة من نتيجة إنتخابات مجلس الشعب و الشورى.

مش هأسس جماعة زي "حازمون" ولا هأعتبر عدم ترشيح الشيخ (حازم) معصية لله, ولا هأعتبر إن ترشح شخص ليبرالي هو التقدم الوحيد المسموح للبلد لمجرد إنه باس (انجلينا جولي) أو قلّع أمه الحجاب أو وافق على زواج المثليين.

أنا مش ضد شخص هيعدل بين الناس, و يضع نصب عينيه مشاكل (مصر)

نرجع لسؤالنا الأساسي, كم هو عدد المرشحين لرئاسة (مصر) و كم بقى من الناس ليصوت أصلا؟..


المهم ماتشغلوش بالكم بالمرشح المناسب لإن في ناس تحت القبة هتوافق على مرشح متلصم عمولة مخصوص لحضراتكم , و طبعا حضراتكم هتوافقوا عليه,لإن مش هتلاقي 2 في البلد دي متفقين مع بعض على مرشح واحد.


إلى أين تتجه (مصر)؟ : إلى هرجلة سياسية مؤكدة...بعد أن زادت طوابير (مصر) - بخلاف العيش و المصالح الحكومية و الخ الخ - طابور جديد..
بعيدا عن الكلام الطايش عن مؤامرات خارجية أو صفقات بين المجلس و العسكر و كل الكلام اللي لا أرض يستند عليها في إدعاؤه,أقل واجب نحو الشعب بما إن برلمانه الثوري بوادره لا تبشر بالخير,فمن حقه على الأقل أنه يتطمن على رئيسه و بلاش نبص للكائنات الخرافية اللي طلعت على الساحة لتسفيه الإنتخابات..


ركزوا يا شعب مصر..

المقال على مصراوي

المقال على جريدة دنيا الرأي

الثلاثاء، 20 مارس، 2012

تحليل غير منطقي لاحداث غير منطقية

لو خرجنا من حيز الفيس بوك الموقر , و نزلنا للشارع المصري هنلاقي ان الكلام بإختصار و على السريع كده , اختيار باعماء ديني لحازم ابو اسماعيل , و توافق شاسع المدى على ابو الفتوح و احيانا هتسمع سيرة العوا و  حمدين صباحي.


في الشارع حيث الشعب المصري اللي بيمشي ورا قلبه اللي موديه في داهية هيرشح عمرو موسى بمنطق (اللي نعرفه احسن من اللي مانعرفوش) , باقي المرشحين مش محتاجين كلام انهم مابين مهزلة و مابين توافقيات حزبية مش هتعبر في النهاية عن الكتلة الاختيارية للشعب , الكتلة اللي انتخبت حزب النور تعتبر 20% من المؤيدين الفعليين.

الاثنين، 12 مارس، 2012

زعلان ليه؟

الإثنين 12 مارس 2012
_______________

مذكراتي:
مش هأتكلّم عن الحالة السياسية في (مصر), فيها إيه لما (الكتاتني) يجيب عربية جديدة؟, ليه الظن الوِحِش ده؟, ولّا نائب تاني يعمل عملية تجميل في منخيره؟, و يقول انه تم الإعتداء عليه؟.

الحاجات دي بتعدي و تتنسي..

ولّا لما (مروى) - فنانة و راقصة خليعة - يتقدم لها شهادة تقدير و مصحف؟, من زوجات رجال الشرطة..

الجمعة، 2 مارس، 2012

المراهقة : خصائص المرحلة و مشكلاتها


تعد المراهقة من أخطر المراحل التي يمر بها الإنسان ضمن أطواره المختلفة التي تتسم بالتجدد المستمر، والترقي في معارج الصعود نحو الكمال الإنساني الرشيد، ومكمن الخطر في هذه المرحلة التي تنتقل بالإنسان من الطفولة إلى الرشد، هي التغيرات في مظاهر النمو المختلفة (الجسمية والفسيولوجية والعقلية والاجتماعية والانفعالية والدينية والخلقية)، ولما يتعرض الإنسان فيها إلى صراعات متعددة، داخلية وخارجية.