المشاركات

عرض المشاركات من 2016

أول يوم تجنيد

*تنويه المحتوى لم يكتب بواسطة محمد البرقي*


نغمه المنبه، انها الثامنة صباحًا، شعرت بالرغبه في العوده للنوم فكنت اعيش في ذلك الحلم الجميل بمغادرة البلاد والعمل يسيطر علي حياتي اليومية، ولكن اليوم "مش عادي"، فإني ذاهب إلي مكتب التجنيد في قسم الهرم.
لقد تأخرت عن مواعيد العمل الرسمية، جمعت اغراضي وفي طريقي لباب الغرفة تذكرت ذلك الحادث الذي وقع قبل يومي هذا بأسبوع، وأخرجت مفاتيح السيارة من جيبي ووضعتها علي المكتب، فكنت معتاد علي قيادتها يوميًا حتي وقع أخي بحادث مروري، وأدركت أن اسوء أيامي علي وشك أن تبدأ.
غادرت بيتي مسرعًا لإركب "العربية البوكس" او "عربية الفيومية" كما يسميها البعض، الجو حار والشمس تغطي كل مكان، أين انا؟ إلي أين ذاهب؟ كالعاده بدأت الأصوات داخلي تسيطر علي الجزء الأكبر من تفكيري، "سنك أصغر من كل اللي داخلين الجيش بسنه"، "معاد تقديمك عدي اساسًا كمان وانت مقدم متأخر في دفعة غير دفعتك"، "هتاخد شهر ونص زياده علي جيشك"، "هو أخرو هنا صح؟"، لا هذا السؤال من العالم الخارجي، فآتي من طفل يجلس أمامي ويبدو عليه القلق،…

2017

كل نهاية عام بتحصل عادة عندي إني أحاول يبقى عندي قرارات أنفذها في العام الجديد ، بس الحقيقة عمر ما المخطط ده نجح و، و أكيد مش هينجح المرة دي ..
لكن عندي شوية أخبار و إنجازات صغيرة :

- اعتقد اني حققت تغيير شخصيتي الحقيقية و الفيسبوكية اللي كنت بأطمح له ، فده إنجاز كويس يستحق تشجيعة او ان حد يعزمني على حاجة او اكلة .
- يوم 31 ديسمبر هاستلم العفش فهقضي رأس السنة في عمالة و توزيع و ليلة ماتتلم .
- هتنتهي سنة 2016 بكل ذكرياتها المتعلقة بالتجنيد و ما إليه ، رغم إن بعض من هناك وحشوني و بيمروا بظروف صعبة .


هأضيف اي انجاز افتكره ، فالموضوع ده قابل للتعديل عشان مخي لا يعتمد عليه ..

بيان و توضيح للاصدقاء و المتابعين

اولا : انا مش بأعمل حاجة عشان الشهرة و اللايكات ، عايز تتابع وتشوف معلومات معايا اهلا و سهلا انا مش بمن عليك بعلمي انا مجرد واحد عرف حاجة و بيشاركها معاك .ثانيا : بالنسبة للسخرية ، هي في دمي ، فكل ماهو موجود قابل للسخرية ، والمكان الامن الوحيد هو سرك .ثالثا: اه ، عندي مشكلة مع نسخة الاسلام المتداولة اللي بيعتنقها 99% من التعداد الرسمي ، النسخة دي عدائية و غير متعايشة و همجية و عنصرية و عندها بارانويا و فوق كل ده عندها متلازمة الشعور بالاضطهاد ، مش مشكلتي هتصلحها ازاي  ولكن انا قررت حالا اني لن اقبل في حياتي لا الواقعية ولا الافتراضية اي معتنق لهذة النسخة و دي مش عنصرية ده حقي الكامل .رابعا : حبك لوطنك شيء و ركوعك و تسبيحك بسم النظام الحاكم شيء تاني ، ينطبق عليك قانون انت حر مالم تضر .خامسا : كل من هو على الاكونت فهو على راسي من فوق سواء صديق او متابع ، اضمن حقك في التعبير بحرية و عدم التعرض من صاحب الاكونت او من طرف ثالث ، في حال تطاولت على صاحب الاكونت او اي معلق عنده هاديك فرصة واحدة و التانية هالغي صداقتك و التالتة بلوك.بكامل الاحترام اهلا بالجميع

الأحد 18 ديسمبر 2016

من حق أي حد يبقيني في حياته أو يخرجني منها، أنا مش بأتمسك بحد ، مش عشان أنا الجامد جدا ولا عشان ماليش غالي وكده ، بس بببساطة عشان عندي مشكلة فيما يخص العلاقات الإجتماعية ، أنا مش بأعرف أحتفظ بيها أو أستمر فيها ، الناس مش بتستحمل تصرفاتي أو طريقتي أو أيًا يكن ما يصدر مني ، هو حاجة بأشير ليها دائما بإني "ماعنديش صحاب" أو "مش بحب أصاحب" ، هو عدم القدرة المتسبب في فقدان الرغبة .

في ناس مش عارف فعلا ليه مسحوني من على الفيس بوك ، هأعترف إن ماكانتش بتربط بيني و بينهم علاقة شخصية و طيدة و أغلبهم ماشفتهوش على الواقع ، لكن نوع الرابط بيننا على الأقل هو علاقة هز الرأس، ودي علاقة في حد ذاتها مافيهاش متطلبات كتير تكون متوقعها مني ، و في نفس الوقت بتحافظ على الأوضاع في حيّز الود المقبول .

ما أظنش إني مسحت حد ، غير لو الموضوع وصل بيه إنه يشتمني بشكل شاذ أو مستعرض ، حتى الشتيمة العادية مش بأمسح حد عليها ، لكن دايما ناس بأتوقع مايمسحونيش لإن مافيش داعي أصلا لحاجة زي كده ، غالبا الناس دي بتاعة "خليك قلبك مفتوح لغيرك" " و اتعلم تتعامل مع الناس" ، مش عايز أتعلم، ل…

القاهرة - 11 ديسمبر 2016

حاجة تضايق جدا إن حد من أهلك يكون شايفك بعين إنك ساذج لدرجة انه خايف ان اهل مراتك يضحكوا عليك ،و بيأمرني كمان كإني عيل صغير إني ما أمضيش على أي حاجة إلا بمعرفته ، بجد أنا مستعد امضي على اقرار بروحي للشيطان و امشي من هنا حالا ...امي النهاردة بعد مشوار طويل اخدته انا و دعاء للتبضع لاغراض شقتنا ، جابت لي هدية شنطة للشغل ، عجبتني جدا انيقة ، شكرتها عليها .

الثلاثاء 6 ديسمبر 2016

إجراءات تجهيز شقتي على قدم وساق بس أنا فعليا زهقت و تعبت ، محتاج أجازة أرتاح فيها و أشوف نفسي ، لكن وقت فراغي موزع حاليا بين الستارة و السجادة و النجفة و دكتور السنان .

وحتى والدي لما خلصت من ورق الشغل اللي هأستلمه من القسم و قلت لنفسي "مش هيلاقي حاجة تانية يصحيني عشانها بدري" لقيته بيصحيني حاليا يوميا عشان أشوف الدهان ، و أرائي، ياحاج انا قلت حاجة و خلاص مش هأغيرها.

مؤخرا بقيت مصدر للمعلومات العجيبة على الفيس بوك لكن عليا الاعتراف ان ده افضل و بعيد عن الخوض في الغباء البشري السياسي و الديني و ما إلى ذلك، الصراعات مش محتاجها حاليا ، لحد ما استقر في شقتي أخيرا .

تعذيب : 8- مهد يهوذا

صورة
المعروف أيضا بإسم كرسي يهوذا ، قعدة مركب عليها هرم معدني حاد ، الضحية بيتم وضعها على رأس الهرم و بنظام أحبال بيتم شدها للأسفل ببطء ، مع وضع رأس الهرم في شرج الرجل أو مهبل المرأة .
عادة بتكون الضحية عارية و بيتم إذلالها ، و ربط رجليها بأوزان الأمر اللي بيزود العذاب و يسبب تمزق في الأنسجة العضلية ، الآلة دي عمرها ماكانت بتتغسل مما بيسبب إلتهبات و عدوى مؤلمة للضحية اللي عذابها بيستمر من ساعات لأيام قبل الوفاة .

تعذيب : 7 - مقص التمساح

صورة
أداة تعذيب إستخدمت في أواخر القرون الوسطى في أوروبا ، مقص التمساح هو كماشة معمولة من المعدن ، و جوة شفراتها خطوط من المعدن المدببة بدبابيس كتيرة صغيرة، كان للرجال النصيب الأكبر من التعذيب بالأداة دي ، الأداة دي خصص بيها تعذيب القتلة اللي بيحاولوا يغتالوا الملك، و كانت بيتم تسخينها بدرجة حرارة شديدة ، و بعدين بيتم إطباقها على عضو الضحية المنتصب، و إغلاقها بعنف وبين الدبابيس و السخونة و الألم بيتم نزع عضو الضحية بيها في حالة الحرق الشديد، و لو كان الضحية محظوظ ممكن يعاني من حروق شديدة و نزيف حاد فقط .

تعذيب : 6 - محطمة الرؤوس

صورة
لو كان في تسمية بتوضح الوظيفة، فمحطمة الرؤوس هي، الموضوع إنها ملزمة على محور لولبي بيتم ضغطها بالدوران، الضغط بيخلي السنان تنهار على نفسها من قواعد السنان و اللثة و تدخل في بعض ، عظام الفك الجانبية بتتحطم ، و بعدين العينين تقفز من مكانها أو تنعصر و تسيح زي عصير بيخرج من المحجرين . عقاب متنوع الأسباب زي الهرطقة و الكذب و السرقة، لكن المرعب فعلا في الموضوع إنها لازالت بتستخدم لحد وقتنا هذا في الإستجوابات ، و في إقليم هندوراس بيستخدموا نفس العذاب لكن بالفيلة .

القاهرة - 20 نوفمبر 2016

مش بأحترم اللي في السلطة ، مش بأحترم اللي إتعرضت عليه المهمة ليكون منفصل عن الجماعة وبيحكمها و غالبا بيبقى مش مدرك ليها  ، غرقان في شهوة السيطرة و التحكم و إغراءها القوي و بيحاول يكسب منه أكتر.
بأحترم اللي ممكن بكل سهولة يبقى في السلطة و يتنصل منها ، يدير ظهره للشهوة و يلعنها و يحطها في مقامها الحقيقي، موقعها من سلم رغبات الإنسان السوى الأعلى ، الإنسان اللي في تواصل مع إنسانيته مش مع شهوته الطاغية ، و كلما إقترب المنصب اللي تهرب منه من رأس السلطة إحترمته أكتر. القاهرة - 20 نوفمبر 2016

تعذيب : 5 - الكمثرى

صورة
الكمثرى إتسمت لتشابهها مع الفاكهة ، أداة تعذيب إستخدمت في العصور الوسطى لتهم متعددة زي الزنا ، و الكذب و الخيانة و الكفر و التجديف و الهرطقة و المثلية الجنسية .

بتتكون من أربع أجزاء شبه الورقة بيتلاقوا مع بعض لتكوين الكمثرى ، و بيتم التعذيب حسب الجنس، فلو كان المذنب ذكر كانت بتدخل في الشرج ولو أنثى بتدخل في المهبل و الأداة فيها مسمار بيلف عشان تفتح جوة أعضاء المتهم ، و كان أحيانا بيتم إخراجها بعنف ، أو بتتساب والشوك اللي فيها يقوم بالمهمة الصعبة.

قليل لما كانت الكمثرى بتسبب الموت ، لكن غالبا بتكون مصحوبة بأنواع عذاب تانية .

تعذيب : 4 - الأحذية (الطارقة)

صورة
الأحذية من العذابات اللي فيها إبداع و سادية كبيرة ، لإنها بطيئة و مؤلمة لحد مابعد إنتهاء العذاب ،رجلين الضحية بتتحط بين لوحين خشب و ملزمة و تتربط بأحبال ، و بعدين تتحط بين الرجلين أسافين أو أوتاد و تتدق بشاكوش أو مرزبة ، و الضحية الواحدة ممكن يتدق فيها 10 أوتاد أو أسافين لحد ما تموت على طول الساقين ، بعد إزالة الأحذية بتتساقط شظايا العظم و اللحم و يفضل الجلد متعلق و فارغ و هنا بتيجي أكتر حتة إبداعية حيث بيتم إستخدام الجلد كيس عشان يلموا فيه قطع العظم بتاعة الضحية .

تعذيب : 3 - كرسي التغطيس

صورة
كرسي التغطيس كانت أداة تعذيب مشهورة في إنجلترا و اسكتلندا وكانت النساء ليهن  النصيب الأكبر من التعذيب بيها، كانت لتهذيب النساء المتمردات و التجار المخادعين أحيانا ، ذكرت في قصيدة أرصفة الفلاح Piers Plowman ، ورد إن ليها أيضا إستخدام إبان الثورة الفرنسية .

بتكون معمولة من كرسي مربوط على عصاية ضخمة و نقطة إرتكاز ،و بتتركب بشكل ثابت جنب النهر ،  و بيتربط المذنب في الكرسي و يتم تغطيسه ، كنيسة سانت ماري أضافت بعض تطويرات للآلة بعد كده وخليتها متحركة أكتر، و بيتم تغطيس المذنب في بحيرة أو نهر للمدة اللي بتشوفها المحكمة مناسبة أو لحد الموت .

المعلومة مش مؤكدة لكن في تسميات للآلة دي (زي مغرقة البراز) إقترحت إن المعذبين تفننوا أكتر و كانوا بيغرقوا المذنبين في طرنشات أو مرشحات البراز في البلدة ، و غالبا لحد الموت ،و برضه النساء كان ليهم النصيب الأكبر من تطوير العذاب بالشكل ده ،فالمذنب بيتساب لحد مايعاني من الإختناق و التسمم البطيء تحت الضغط من البراز أو المياة .

تعذيب : 2 - شوكة الهراطقة

صورة
الطريقة المفضلة للتعامل مع الهراطقة و كذبهم من وجهة نظر الكنيسة و محاكم التفتيش كانت عقوبة موجهة للفم ، شوكة الهراطقة كانت بتتربط بالرقبة و أجزاءها المدببة الأربعة 2 في الدقن و 2 في الصدر ، بتسمح بحركات محدودة جدا لفك الضحية عشان يقول آخر إعتراف بالهمهمة قبل ما يتعب من وضع رقبته و يسيب الشوكة تدخل ببطء من الدقن لداخل الفم ، و يفضل لساعات ينزف و يدوق دمه قبل ما يموت غالبا بالحرق في مكان عام وسط الدخان و الإهانة .

تعذيب : 1- أحذية العقاب

صورة
هل تعتقد إن أسوأ حاجة في العصور المظلمة في أوروبا كانت النظافة الشخصية المتدنية ؟ أو الموسيقى الرديئة اللي بيرقصوا عليها؟
الحقيقة إن أبشع شيء في الفترة دي كان نظام العدالة الكنسي و أساليب تعذيبه ، و في سلسلة هتبدأ من النهاردة بأساليب التعذيب اللي إنتشرت في الفترة دي : 1- أحذية العقاب :
أحذية مصممة من الحديد أو النحاس كان أسلوب التعذيب بيها يتم بإجبار الضحية على الوقوف على طراطيف صوابعها ولو نزّل كعبه المسامير تدخل من الخرم في خلفية الحذاء، تفتكر تقدر تقعد قد إيه واقف على أطراف صوابعك ؟
أحيانا كان بيتم تسخين الحذاء زيادة في التنكيل وساعتها رجل المتهم بتصاب بحروق غزيرة في الكعب و الأصابع و تشوه جسيم ، ناهيك عن إنك بتفضل عايش بتشم لحمك المشوي.

بعض سندوتشات مكدونلدز و معلومات عنها

صورة
- Fillet - O - Fish : تم إضافته للقايمة عشان الكاثلويك الرومان الملتزمين اللي مش بيقدروا يأكلوا لحمة الدواجن يوم الأحد ،و اللي بالمناسبة كان المنافس بتاعه على القايمة سندوتش تاني معمول مين شريحتين أناناس و قطعة خبز ناشف وسطهم ، لكن وقع الإختيار على الفيلي أو فيش و إتثبت في القايمة من ساعتها. - Happy meal : تم بيعها سنة1977 و إضيفت للقايمة سنة 1979 للقايمة عن طريق (ديك بارمس) و المسمى "ابو الهابي ميل" عشان تتكون من كل حاجة الأطفال كانوا بيجوا لمكدونالدز عشانها ، برجر أو تشيز برجر و بطاطس حجم متوسط و مشروب حجم متوسط و كوكيز، و أول ماتفتح العلبة تلاقي اللعبة ، و أول علبة تم تصميمها بألعاب و ألغاز و نكت عليها ، أول هابي ميل في أمريكا كانت بنموذج عربة سيرك .
- Quarter Pounder : سبب التسمية هو إن السندوتش فيه طبقة فطيرة تقدر بربع باوند تقريبا ،و السندوتش تم تقديمه سنة 1972 ، في 2013خط إنتاجه تضخم و إستبدل برجر الأنجس المشهور عند مكدونلدز و في 2015 تم تزويد الفطيرة لحد 120.5 جرام . - Big mac : تم تقديمه في بتيسبرج سنة 1967 و عولمته في 1968 على إيد جيم دليجيتي و في بداية تقديمه في مطا…

10معلومة عشوائية غريبة

1- خبط دماغك في الحيطة بيحرق 150 كالوري في الساعة .

2- بيترونوفوبيا Pteronophobia هو الخوف من الزغزغة بالريش .

3- لما سيد قشطة بيتضايق أو يتعصب عرقه بيتحول للون الأحمر .

4- شيروفوبيا Cherophobia هوالخوف من الفرح .

5- على مدى حياة الانسان العادي بينتج ما يملأ حمامين سباحة أولمبيين من اللعاب . 

6- أغلب الأزمات القلبية بتحصل يوم الإثنين .

7- أوغندا عندها أصغر شعب في العالم ، حيث إن نصف عدد السكان تقريبا تحت سن الـ15 .

8- والدة هتلر كانت بتفكر في الإجهاض لكن الدكتور أقنعها تحتفظ بالجنين .

9- تايتانيك كانت أول سفينة تستخدم كود إشارة SOS .

10- بعض أنواع القردة تميل للإستمناء عند خسارتها لأي معركة .

من أول من إحتفل بعيد الميلاد ؟

صورة
بما إن النهاردة عيد ميلادي فأحب أقول لكم ان اول تسجيل تاريخي للإحتفال بعيد الميلاد كان الفرعون اللي بيخدمه يوسف كما ورد في سفر التكوين من العهد القديم ،طبقا لمقالات و مصادر تاريخية إتفقت على الموضوع ده.
كتير من الأديان بتحتفل بأعياد ميلاد مؤسسيها أو الشخصيات المؤثرة فيها زي الزاردشتية و البهائية و بعض طوائف المسلمين و بعض طوائف المسيحية ، و بينما ذهبت بعض الطوائف إلى تحريم الإحتفال لابشكل ديني و لا شخصي .
الاحتفال بعيد الميلاد له بعد ثقافي و قانوني و اجتماعي مختلط شوية حيث انه بيحدد سن بلوغك (اللي بيتراوح بين 12 -21) و عليه بتتحاسب قانونيا كبالغ و أحيانا بيترتب عليك دينيا إلتزامات أكبر و بيغير صورتك إجتماعيا ، و ممكن في الدولة الواحدة و الدين الواحد يتباين سن المحاسبة كإنك تكون بالغ دينيا من سن ال16 و في قانون الدولة من سن ال18 و ده ممكن يسبب لك سنتين من التضاربات .

"نحن متحضرون بقدر ماتسمح ظروفنا"

يعني إن الأخلاق بتتنامى و تتسامى في بيئة ظروفها تتيح ليك الاختيار و الفرصة البديلة لو قررت التضحية بشيء من مقتنياتك او اغراضك او رغباتك هتقدر تكون متحضر مع غيرك و تطالب بمراعاة الغير و تقسيم الثروات بشكل عادل ، و ممكن تفضل غيرك على نفسك ، لكن القيم دي قشرية ضعيفة بتنهار مع أول بادرة لنقص الموارد ، أو إشارة لإحتمال عدم توافرها تاني و ساعتها الغريزة بتتفوق على الصفات المكتسبة و ممكن توصل من حالات الدفاع عن النفس إلى شراسة الاعتداء و القتل ..

لعبة التكاتك

صورة
الطبقات الفقيرة و الحرف المدقعة تكتسب مصداقية لدى العامة نابعة من شعورهم ان دونية الشخص ده دافع لصدقه ، و الارتباط الوثيق الغير منطقي بين فقر الشخص و مدى صدقه ، اللي نابع من خلط التعاطف بتقبل المعلومات ،الموضوع ده بينجح على أصعدة كتير و كدليل ممكن نشوف سواق توكتوك المعارضة و سواق توكتوك الدولجية ، بعيدا عن إنعدام التفكير الخلاق عند الناس دي لكنه يؤتي أكله. و عشان كده مش هتلاقي ضجة مشابهة لو اللي قال نفس الكلمتين مهندس مدني نازل من عربية نيسان صني، رد الفعل التلقائي للناس هو رفض الطرح بغض النظر عن قيمته .
المظهر اللي بتوصل بيه المعلومة أهم من المعلومة نفسها ، و الأسلوب ده ممكن يستخدم و أستخدم فعلا في جرك لجانب ايدولوجي و غسيل دماغك بيه زي جمع تبرعات الشيشان و مناحة ماينمار و قانون معاداة السامية ، عشان كده مهم دايما لو إتعرضت لطرح و عجبك إتفرج عليه عدة مرات عشان تتخلص من تأثير الاسلوب ده و تقدر تحلله بمنطقية أكبر .

عن الفيسبوك و يوتيوب

صورة
الشرائح الديموجرافية للفيسبوك اللي أنشئ عليها و هي شباب الثانوية و الجامعات منخفض بنسبة 94% من وقت الانشاء ، بينما شرائح الفوق 24 و ال55 زايدة بنسبة 23 % لكل شريحة و ده بيفسر تحول الفيسبوك لشيء اشبه بالانتريه بتاع بيتكم لما خالتك و جدك يجوا يزوروكم.

على صعيد اخر اليوتيوب شريحة كبار السن فيه زادت بنسبة 14% فقط و ده مخليه مكان يمتليء بالشباب و صانعي المحتوى الشبابي و كمان ده اتسبب في خلق مجتمع ثقافة خاص بيه ممكن شخصياته ماحدش يعرفهم خارجه ،احيانا حتى على مواقع انترنت تانية ممكن تلاقي ماحدش سمع عن Ray William Johnson او pewidipie و غيرهم مع انهم بيمثلوا نوستالجيا و حاضر لهذا المجتمع و ثقافته الخاصة .

حرية الإعتقاد و حرية التعبير و البابانويليون

صورة
دايما هتسمع إتهامات موجهة ليك إنك مش بتحترم عقيدة فلان أو أراء علان، و إنك إزاي مؤمن بالحرية و مش بتحترمني ؟ و دايما كنت بأستغرب إيه علاقة حريتك بإحترامي ؟


هنا بحب أوضح مفهوم مهم و بيتلغبط فيه ناس كتير ، إنت حر و حريتك دي بتضمن إن الاخرين أحرار زيك ، طول ما حرية أحدكم لا تمنع حرية الآخر، و ده هيؤدي إن هتكون في آراء مش عاجباك , أسف بس ده الطبيعي ، طول ما في أكتر من فرد واحد على الكوكب ده اللي هيكون و هيحصل و مافيش طريقة لتوحيد فكرتهم غير بالمسخ اللي إعتمدته الأفكار النظامية من أول الخليقة لحد مؤخرا و إنبثاق العلمانية للوجود ، النقطة اللي لازم تفهمها هي إن ما أنا كمثال مجبر عليه هو إحترام حقك في الإعتقاد أو التفكير بشكل ما وعدم منعه ، لكن أنا مش مجبر أحترم الفكرة اللي إنت هتعتقدها أو هتتبناها ، لإن ببساطة ممكن أشوفها عبيطة . مثلا لو إنت من المؤمنين إن بابا نويل حقيقي ، و إنه هو اللي بيحط الهدايا عند المدخنة كل كريسماس ، فأنا هأحترم حقك في الإعتقاد بده ، طول ما إنت مش بتجبرني عليه ولا بتإذيني ، ماعنديش مشكلة تعتقد بده و تعمل منتديات لجمع أعضاء النادي بتاعك ، لكن ماتطلبش مني أصدق أو احترم …

محاولات إستعادة السيطرة

القاهرة ، 26 أكتوبر 2016

والدي بيتخانق مع أختي عشان خرجت مع صديقها تجيب جبس لمشروعها الجامعي ، مابحبش الصراعات دي و مش بحب غباء أختي في إدارتها ، لإنه له تأثير سلبي عليّا ، بابا إتعصب و صرخ "إنه طالما إحنا في بيته نبقى في طوعه و ننفذ أوامره"  .
تيمة محاولة إستعادة السيطرة على البيت بتطارد بابا من مدة ، لكن شحذها شلة الجامع اللي بيقعد معاهم مؤخراً .

كلنا متفقين تقريبا حتى أمي على إنه لازم ينشغل لأطول وقت ممكن طول اليوم ، أخويا قعد معانا شهر هنا ما إستحملهوش و قال لي إنه لازم يشتغل ، و أنا كنت رافض مراعاة و رأفة لسنه ، لكن فعلياً أعدت النظر و خصوصاً بعد تعديه عليّا بالصراخ و قررت تفاديه لحد ما ربنا ينقذني من البيت ده و أتجوز ، و أكون أول ذكر مصري بيهرب من بيت أهله بالجواز .

Greek primordial deities الالهة البدائية الإغريقية

صورة
في بداية الخلق أو من تصورات الأغريق عن البداية الكونية حكاية الألهة البدائية أو الـ primordial deities ، الآلهة دي كانت بتمثل كل شيء عن تصور الإغريقي لما قبل قدوم الأرض و عالمه في صورة مشهورة جدا في الأديان القديمة وهي التجسيد او الـ Avatar ، الحقيقة كلمة deity في حد ذاتها مش معناها إله بشكل دقيق لكنها تشمل الإله ، هي معناها شيء متفوق أو كائن علوي سواء كان الأزلية أو الطبيعة أو الإله أو الخالق أو الرب إلخ ، المهم الآلهة دي كانت بتمثل البدائيات للكون وطبقا للأسطورة البدء كان الفراغ أو chaos (برضه هو مرادف للفوضى كمناقضة للنظام الآتي بعده) ، ثم جايا أو الأرض رمز للبيئة و الطبيعة Gaia ، و كانت أنثى و كايوس كان بالمناسبة لاجنسي . 
و بعدها جاء تارتروس (ذكر) و بيمثل العالم السفلي ، والعالم السفلي هو عالم الموت أو مابعد الموت المجهول و هو رمز لكل شيء لا نعرفه و نخاف من ذكره حتى ، و بعدها إيروس (ذكر) الظلام و نيكس (انثى) الليل و منهم إيثر(ذكر) الضوء و هيميرا (انثى) النهار ، غالبا مايرمز للظواهر الطبيعية اللي بتمدنا بالحياة بالأنوثة بينما مسبباتها أو جوهرها ذكورة دي أتصورها إسقاط على الطابع الع…