كيف بدأ الخازوق ؟

صباح الخير..

فضيلة الشيخ علي جمعة ، تحياتي إليك ..
أما بعد:
ذكر لا اكتراثي عمره يقارب الدخول  في الثلاثين بخطى حثيثة ، رغم انه بيحب شغله لكنه مضغوط فيه ، مهدد في اي لحظة بفقدان حياته ، لأسباب كثيرة من ضمنها إنه في منطقة من العالم معدلات الأمان فيها متدنية ، أسعار السلع مضروبة في 3 ، كوكب بيمشي بسرعة خرافية في فضاء مجهول مهدد بنيزك يخسفه أتساءل خمس مرات - على الاقل- يوميا هو إتأخر ليه ، سكان الكوكب ده مهاويس بأصدقاءهم الخياليين ، و الباقي مش مدرك الكارثة المتجهين ناحيتها و كل إهتماماته تتلخص في إنهم لغوا الجوائز اللي بتتصنف  حسب الجنسين و خلاص هتبقى معممة و الاجناس كلها هتبقى زي بعض و معنى الحياة هيبقى واضح.

مجرد حركتي في اي مكان على بعد 15 متر بتضطرني اتصادم مع ناس ذكاءهم مايغلبش خساية دبلانه مسح بها انسان كروماجنون مؤخرته ، حروب ، امراض ، مجاعات ، و اغنية ركبني المرجيحة.

مش عارف حضرتك  عايز خوازيق مغرّية اكتر من كده إيه ؟

تعليقات

المشاركات الشائعة من هذه المدونة

قواعد اللاإكتراثية الأربعون

مابعد نقاهة 10 أيام , و الوجود و العدم

كيف تكبر دماغك؟