المشاركات

عرض المشاركات من 2014

في كون موازي!

رغم إن المصطلح نفسه ظهر متأخر في حياتي, لكنه كان الأنسب لوصف الجو التقوقعي اللي أحطت حياتي بيه, في محاولة لإعطاء نفسي فرصة عبر غطاء حامي لفهم الحياة متأخرا أحيانا, و قبل الأوان أحيانا أخرى,الكون الموازي هو المكان اللي تقدر منه تبص على الناس من خارج الناس, تقدر تبص لكل حاجة شُفتها و آمنت بيها و صدقتها , و ضحيت عشانها و إتضحى بيك عشانها , بعين الطرف الثالث, الطرف اللي مش متورط في الأحداث,الكون الموازي كون يعيش فيه أنا الإنطوائي, أنا بكل الحقائق اللي مش عارف أكشفها للناس, أنا بكل أرائي الغير مقبولة و المرفوضة , الكون الموازي هو أن تعيش ملوّن وسط ناس رمادي.

و بمناسبة الرمادي و الألوان , كان في حدث شارك فيه مجموعة من الشباب لتلوين بعض أماكن القاهرة , و سمّوه "تلوين مدينة رمادية", و هو دي نوعية الحياة اللي هتعيشها جوّة الكون الموازي اللي إبتدعته لنفسي عشان أعيش جوّاه, محاولة طويلة من إضفاء الألوان على حياة رمادية , تنقلب لتلوني أحيانا أنا بالرمادي الكئيب, الرمادي اللي بيغزو روحك و بيحولك لمجرد واحد من كل, مش هأنكر إن إحساس الجزء من كل ده مهم للإنسان الطبيعي إجتماعيا, لكن مين جاب س…

نقد لا واعي لنظرية الإحتياج الإجتماعي

كشخص صموت إنطوائي نسبيا , لما بألتفت لظاهرة تحيط بي أو بألاحظها في شركاء البيئة بأقعد أحط لها فرضيات لتفسير الظاهرة دي , و احيانا بأختبرها لتتحول لنظريات يمكن تطبيقها كل مرة بنفس النتائج أو بوتيرة واحدة من النتائج ,إحدى الظواهر دي هو قدرة زملاء الشغل على الرغي في مواضيع تبدو لي تافهة أو لاتستحق هذا القدر من النقاش و بعد ملاحظة لمدة إسبوع و تسجيل الإعتبارات تلخصت لنقطتين في الفرضية دي :

1- موقعي على خريطة المعرفة العامة و التفكير النقدي متقدم عن المعدل الطبيعي للمستوى العام للفرد البشري هنا , و ده بيفسّر سبب كون المواضيع المناقشة منتهية الصلاحية و لا تستحق الرغي أكتر من كده.


2- في حالة ملاحظة الكلام الكتير للأفراد في مواضيع ممكن تتقفل بسرعة و خصوصا إن شغلنا أصلا مليء بالرغي فهنستبعد الحاجة للكلام و نبقي الحاجة لتلبية الإحتياج الإجتماعي حتى ولو بأي شيء , و هو في حالتي إحتياج غير مطلوب لكني بأنسى إني بأتكلم عن بشر طبيعيين عندهم حزمة الإحتياجات الطبيعية العادية ,و خصوصا إن شغلنا بيلغي الروابط الاجتماعية خارج بيئة العمل (وهو مايمثل جنة لي) لكنه على مايبدو مضر بالصحة النفسية للعامة.

في البدء

"الإنسان حيوان تمكن من تسجيل تاريخه"
في البدء كان العالم, ثم حصل إنفجار عظيم و خلقت الشمس و القمر و النجوم و سيندريلا و عم عبده البوّاب و بيل كلينتون , و التمثال الغريب اللي رافع إيده في ميدان طلعت حرب, و البلاتيبوس , و ممدوح فرج لسبب ما ..ما أعتقدش هنفهمه يوما ما! و حاجات كتير جنب بعض , معلش الموضوع ده لِيه كذا نسخة و كذا قصة حسب موقع ميلادك, ثم كان وعيي الخاص بذاتي و أوّل لحظة أفتكرها من حياتي, مش وأنا كبير حصل كل ده و أنا بأفتكره, أنا بأتكلم عن أول لحظة خدت بالك منها من حياتك, و من نفسك, دي فعلا أوّل لقطة من حياتي لو إعتبرنا حياتي فلم سينمائي .. مش عارف إذا كانت كل الناس زيي ولا لأ لكن أكيد حد غيري إهتم بالموضوع ده, ليْه إمتى وعينا؟, لإن الوعي هو اللي بيميّز الإنسان عن بقية الكائنات الحية, الوعي الذاتي اللي بيه بيدرك الإنسان و يستوعب و يفاضل و يبقى فضولي و تتراكم عنده خبرات و معلومات تغيّر و تشكل تفكيره و تأدلجه مع الوقت من لحظة إنفجاره العظيم (الولادة) إلى لحظة وفاته, حياة صغيرة مليانة بتفاعل مذهل من المشاعر و الملاحظة و الإحباطات و التجارب و الشغف و الإكتشاف بتحاول تفه…

لو كنت أسود

صورة
لو كنت أسود..
كنت هأحس بنوع من الإضظهاد بيفهمه العالم
لإن الإضطهاد الفكري غير محسوس, بل و مبرر أحيانا
كانت الناس هتعذرني لإنهم بيتفهموا ألمي لما يسخروا من لون بشرتي
قبل ما يضحكوا عليا, و يمكن ده سبب إنهم بيضحكوا؟!

لو كنت أسود..
كان المتصنعين غزوا صفحتي على أي شبكة إجتماعية
بعبارات زي "السمار نص الجمال", و "أسمر يا أسمراني"
لكن على الأرض هيتريأ اللي عايش في شمال أفريقيا على بنت سمرا
بإنه يقول "بص ياعم الأفريقية دي"..
حيث غباءهم في حد ذاته نوع من الإضطهاد لذكاءك
أن تعيش وسط المغفلين هو عذاب و إستقصاد

لو كنت أسود..
كان شرح معضلتي هيكون أسهل
رغم إن حسد المضطهد لمضطهد هو إضطهاد
لكن كنت هأكون فخور بإن مضطهدي هو من حررني
قبل ما أدرك إنه أدخلني في آلة عبودية أكبر
يتساوى فيها الجميع..
لكنني ماكنتش مدرك لمدى تعقيها مش أكتر
لو كنت أسمر..
ربما كنت فهمت أكتر
و ربما كنت فهمتوني أكتر..

قواعد الـ سخرية التسعة

1- السخرية هي حل سلمي , لإن ضرب الناس حتى الموت مخالف للقانون.
2- كونك على لائحة أصدقائي لا يكسبك أي نوع من أنواع الحصانة, مجرد دورك ماجاش مش أكتر.
3- إذا ضحكت على سخريتي من شخص و زعلت لو كانت سخريتي منك, فإنت إزدواجي المعايير و تستحق الضرب بالنار.
4- السخرية من شيء لاتعني بالضرورة إني أكرهه.
5- السخرية لاتعني أن الساخر معصوم, ممكن يكون بيسخر من حاجة هو نفسه بيعملها , أو بيسخر من نفسه شخصيا.
6- السخرية زي أي نوع من الأدب و الفن , لا يستوجب أن تكون هادفة أو تصلح من المجتمعات, أحيانا السخرية هي مجرد سخرية.
7- السخرية لاتندرج تحت الضرر الحقيقي, بإمكانك لو لم تعجبك أن لا تتابعها.
8- ليس للسخرية خطوط حمراء, كل ماهو متاح هو قابل للسخرية, المكان الوحيد الآمن لأي شيء لا تريد أن يسخر منه أحد هو سرّك.
9- سخريتي من شيء لاتعني منعك من حرية ممارسته , هي فقط ممارسة لحريتي في السخرية منه.

ماذا لو عرفت أنك ستموت خلال 4 شهور

من الكلاشيهات المعروفة ضمن تصنيف الأسئلة هو الإجابة عن السؤال التالي "ماذا لو عرفت أنك ستموت خلال 4 شهور؟" بـ عَمَل كل الحاجات اللي الشخص بيحبها و نفسه فيها أو ماعندوش الشجاعة إنه يعملها غير لو خد تذكرة ضمان إنه كده كده ميّت و نظريا لن يخسر أي شيء.

هتسمع إنه هيضرب المدير بتاعه و يولع في مكان الشغل, أو هيصرف فلوسه كلها على حاجة بيحبها أو أكلة بيعشقها, هتسمع حالات أكثر بؤسا زي إنها تقول لك هتلبس فستان!..كلها إحتمالات جميلة و رغبات بريئة و مشروعة لشخص عارف إن حياته (غالبا أكتر حاجة يقدرها في الكون) هتنتهي , و إنه مش بإيده حاجة يمنع ده!.

خليني أجاوب لك على السؤال إجابة واقعية, غالبا هتقضي أول 3 شهور مش عارف تتهرب من مسئولياتك, تنظيف البيت و أغراض أهلك و الدهان في البيت مش هيتعملوا لوحدهم, أهلك هيعيطوا و ينهاروا أول إسبوع و بعدها كل ما ترفض تعمل حاجة بسبب الإكتئاب و إحساسك إن مافيش حد مقدر كارثتك هتسمع عبارة من نوعية "ماتكبّرش الموضوع"لو كنت عايز أو بتحب حاجة غالية هتضطر تشتغل لمدة أطول عشان تعرف تجيبها و غالبا هتموت قبل ده,صحابك غالبا بسبب إنشغالهم في أمور دنياهم و ال…

عن الكون الموازي

"في كون موازي" هو عنوان كتابي القادم, مش اول كتاب اكتبه لكنه اول كتاب هيصدر نسخة ورقية, فأمامي مشوار طويل من التأليف و الاتفاق مع دور النشر و تصميم الغلاف و ما إليه, الكتاب هيكون نقاش لكتير من الامور الاجتماعية و السياسية لكن بطريقة السيرة الذاتية, دمج فكرتين من الكتب في كتاب واحد شيء بيعجب القراء, و عشان أكون واقعي و متسق مع نفسي مش مهتم بنجاح الكتاب و مبيعاته على قد ما مهتم بصدوره فقط, يهمني يتسجل لي كتاب ورقي و خلاص حتى لو مش هأسجل غيره لاسباب كتير تخليني مش حابب فعلا موضوع النشر الورقي, الأسباب دي تتعلق بحرية الكتابة,من المؤسف في الكتاب ده إني مضطر أخفض حدة نقدي و أعمل فلترة رهيبة لاسلوبي اللي متابعيني عارفينه, و خصوصا رأيي في المعتقدات و الثقافة الجمعية, لسبب إن الجمهور مختلف و ده ممكن يوديني في داهية, و الحقيقة ده أمر مضايقني جدا إني مش عارف أخد راحتي بخلاف مثلا كتابي السابق "المخرج عايز كده" لو كان مطبوع كان زماني على ذمة قضايا لحد الان مش عارف ألمها من كثرتها.

كتاب في كون موازي , هيكون مقصوص الريش للأسف لكني هأحاول أحتفظ بقوة ما تبقى من الريش, تجربة محتاج …

لعبة العروش, و تربية الكروش

لسبب ما غريب أنا حاسس إن أحمد مراد اللي كتب المسلسل ده, أوكي خلينا نتفق إن المسلسل ده بتعبير عامي صرف "مصروف عليه" , كمان إسقاطاته مهمة و رائعة على السياسة و العلاقات الأسرية و الدين و السلطة و نزاع الدول,لكن في حاجة بخصوص لعبكة الحبكة و النهاية المفتوحة غاظتني أو ربما مافهمتهاش صح  كما هو مطلوب.

في البداية طبعا هأرمز للشخصيات لإن عشان تفتكر أسماؤهم على مدى المسلسل بكل دمويته و الشخصيات اللي ماتت و الستات اللي إتعرت لا يمكن إحصاءها, على العموم كاليسي أو الملكة بتاعة الدوثراكي سافرت و غامرت علشان التنانين و جهزت جيش و في النهاية قعدت لحكم 3 مدن تقريبا و أوقفت حربها, و ده خلاك كمشاهد مستني أحداث ملحمية ماإتجابش سيرتها حتى في الحلقة الأخيرة, أبناء ستارك واحدة لها نهاية شبه سعيدة و التانية واقفة على البوابات بتاعة المدينة اللي أختها فيها ومادخلتش.

الولد وصل للغراب و عرف إنه مستنيه و إنتهى الموضوع, و جون سنو وقف الزحف الأولي للثلجيين و العمالقة,و بس..أحداث مقطوعة جدا محتاجة جزء خامس لوحدها , و نهاية مفتوحة غير مفهومة و محبطة بالنسبة لي.

تاني شخصية مفضلة ليا في الفلم هو تايرن لان…

لنبدأ التفكير الآن

حتى سلافوي جيجك كيساري صميم , و رجل حرّك السياسة في الغرب و يُوصف بأنه "أخطر سياسي في العالم", كانت رؤيته لحركة (إحتلوا وول ستريت) بقوله "قفوا لتروا العالم بشكل أفضل".

العالم في القرن العشرين إتغير بسرعة كبيرة خليتنا نحتاج ناخد نفسنا و نعيد النظر في الوضع الحالي , و خصوصا إننا بنثور و نتحرك و نغيّر بأفكار ربما التفاصيل الحالية تتقدم عليها أو تسبقها.

"من السهل أن تكون ضد الرأسمالية لكن ماذا يعني هذا؟",السلطة و جهازها الديموقراطي حتى ماعندهاش حلول, و المعترض كمان لا يمتلك حلول, الحركات اللي زي إحتلوا وول ستريت لاتعبّر سوى عن الرغبة في تنظيف الطاولة فعلا .


العقدة اللي مابتعرفش تشدها كويّس عشان تمسك الغرض ولا عارف تفكها..

‫#‏لنبدأ_التفكير_الآن‬

لماذا "انت حمار" غير منطقية؟!

صباح الخير...

طيب،خلينا نتفق في البداية على عدم منطقية الشتيمة بأسماء الحيوانات، لو حد مثﻻ قال لك يا حمار ، فهي ﻻ قيمة لها و بلا تأثير ،إﻻ لو خﻻل ال3 أيام اللي بعدها ﻻحظت زيادة في طول الأذن أو ظهور نتوءات مشعرة في المؤخرة توطئة لظهور ذيل ساعتها إنت محتاج إستشارة طبية عاجلة.

إلا إن بعض الناس بياخدوا الشتيمة بالحيوانات لمستويات اكبر لدرجة ان تلقيب الشخص او والدته بإنها تشبه أنثى الاسد يعتبر مهين جدا و ﻻ يقبل المسامحة ، رغم أن اللبؤات كائنات صيادة نشيطة و مفترسة بينما الأسود عكس ذلك اغلب الوقت، إلا لو كان هناك إسقاط ما على موضوع الفرائس و الصيد و هو ما أشك فيه ﻹن مستوى الاي كيو لهؤلاء لايمكنه الوصول لهذا المستوى المعقد من الإسقاطات ،غالبا الناس دي بتضحك على إفيهات سعد الصغير ،عن نفسي أحيانا أشبه صبر الناس المصرة على شيء ما بإنه "إصرار خرتيتي" لكن ده ﻻيدخل ضمن السباب الغير منطقي لانه تشبيه صفة بصفة مش شخص بحيوان.

خلينا كمان نتفق إن سبب الزعل من إن اللي بيتشتم بلفظ زي ده بيزعل هو إنه في وعيه الداخلي ﻻ إراديا شايف إنه كائن اعلى و ارقى لمجرد إنه هوموسيبيان ما وسط 6 مليار من بني جنسه.…

بين كات ستيفنز و محمد فؤاد

مساء الخير...

كات ستيفنز قبل ما يبقى يوسف إسلام نتيجة لإصطحابه للناس الغير مناسبين على اللانش بتاعه لكن ماعلينا, غنا أغنية عملت علامة في التاريخ ولها شهرة لا بأس بها إسمها wild world ...و اللي بيتكلم فيها كات ستيفنز عن علاقته اللي إستمرت سنتين بالممثلة الشابة باتي دي أربنفيل ,و تمتاز الأغنية برتم شاعري جميل خلاها تحتل مركز مميز في القوائم الموسيقية لمدة طويلة و تتذاع كتير على الراديو في السبعينات.

سر حلاوة الأغنية كمان إنها تم إقتباسها لنسخة عربية جيدة الحقيقة عن طريق الفنانمحمد فؤاد في أداء لوذعي فريد من نوعه بكلمات مصطفى كامل في أغنية أوقات يا دنيا من ألبوم حيران , و ألبوم حيران بيمثل مرحلة إنتقالية لمحمد فؤاد لسلسلة من الألبومات الناجحة و القوية التالية زي حبيبي يا و شاريني و ولا نص كلمة و أخيرا بين إيديك.


الحقيقة الأغنيتين رائعين جدا و الـ tempo بتاعهم متقارب لدرجة إنك ممكن تعمل مزيج من الإتنين في أغنية واحدة و تحصل على تجربة ممتعة و غنية.

طباعة النقود و جُمل والدي الخالدة

مساء الخير...

بما إننا إقتصاديا من 40 سنة أغلب دول العالم فصلت طباعة النقود عن مخزونها من الذهب, و العملات الورقية بقت تعهدية , يعني مبنية على ثقة المتعاملين في جهة الإصدار (الدولة - البنك المركزي) , الدولة بتصدر النقود و تطبعها بما يتناسب مع تغطية حجم إقتصادها و تعاملاتها و لا يخفض من قيمة العملة الشرائية (قيمة العملة الشرائية يعني الجنيه يشتري قد إيه من السلعة معينة) , و الموضوع ده مهم جدا في تفسير الإنهيار اللي أتمنى يكون جزءي حفظا لمرارة و قلب الإخوة اللي دفعوا تحويش عمرهم في قناة السويس الجديدة, و اللي الدولة عشان تغطي فوايدها بدئت بطباعة 15 مليار جنيه لسبب ما غير معلوم , ده هيتسبب في إن حتى لو رجع عائد للي مساهم في القناة فهتكون قيمته الشرائية هبطت أقل من قيمة رأس المال اللي ساهم بيه أساسا في وقتها.


من الجمل الخالدة اللي والدي قالها لي, إن عائد القناة دي في أول شهر هيغطي تكاليفها و يزيد, و أحب جدا أعرف رأيه بعد ما يشوف الحملة اللي بتنادي بعدم تقاضي العائد عشان مصر , يبدو إن اللي عملها أدرك المصيبة, بس ماعلينا ..أنا ماأتمناش الشر لحد, و أتمنى إن مصر - كما عودتنا - تعمل معجزة إقتصا…

عشتار سيناريو ثورة الذكور

صباح الخير...

و في كتابه عن عشتار و الالوهة المؤنثة ، يسهب فراس السواح في شرح نظرية الديانة المركزية اللي هي بالضرورة امتداد لمركزية الحضارة في سوريا عند حدوث ثورة التمدين و ربنا يبارك لهم داعش يعني بيقوموا بالواجب في مسح كل معالم الحضارة في إصرار خرتيتي غريب لإثبات إن الانسان اصله فسيخة ، تاركا فجوة غير مفسرة عن لحظة الانقلاب الذكوري على الامومية الاسرية و الدينية و الاجتماعية، حتى نزلت المرأة بالتدريج عبر تطور الانظمة و الديانات من مواطن درجة تانية ، إلى كائن خرافي مغطى نعجز عن لفظ إسمه مجردا في الشارع خشية الفتنة... لك ياصديقي ان تتصور ايه اللي بيحصل في جسد الشاب من تغيرات فيسيولوجية و بيوكيميائية فور سماعه لإسم تفيدة - هاااااح- مما قد يتسبب في حالات فقدان صواب شتا و شطط العقول و العياذ بالله.


هناك سيناريوهات كثيرة تشرح تلك اللحظة اللوذعية اللي بعدها تبقى ذو حظ عظيم لو شاءت الصدف ان تهبك كروموسوم اكس و واي في هذا الكوكب اللي أفضل مناطقه وضع المرأة فيه يصعب على الكلب و ﻻزالت بتجاهد عشان تحصل على نفس الاجور ، و على صعيد اخر في مجموعة من الكائنات هربت من الكهوف تصر ان تزيد الطين بلة في…

نفحات كونفوشيوسية

مساء الخير...

يقول كونفوشيوس : "الكلمات اللبقة والمظهر الأنيق نادراً ما يرافقهما فضيلة حقيقية". و ده بيفكرني بالنظرة إلى الماضي المصاحبة للإخوة الناصريين و محبي الثمانينات و ماقبلها و المصرين بكل شكل ممكن إنهم يرجعونا للأيام المجيدة دي سواء بعقليتهم المتحنطة أو بإختياراتهم السياسية اللي الزمن عفا عليها و عملها مبولة تحت كوبري.
نظرة ممتلئة بالحقد الطبقي الشنيع الرفيق الشخصي لكل يساري أصيل يصر إن المشاعر الصادقة و الأحاسيس الفياضة , و المصالح البريئة حكر على الفقراء بس , لمجرد إن ماعندهمش فلوس فمافيش دافع لأي خُلق سيء ...كإني ممكن أحقد على شخص فقط لإنه عنده فلوس اكتر مني و كأن مافيش استغلال عاطفي أو أي من هذا القبيل,ماعلينا.


المهم أن أبونا كونفوشيوس كان مشهور بفلسفته الحميمية نحو الماضي , فإخواننا بتوع النوستالجيا و اللي بيحطوا صور موبايل نوكيا اللي لسة مغيّره إمبارح أبيض و إسود و يكتب عليها في وسط دايرة شفافة (ذكريات)..هيحبوا كلامه قوي , لإنه يمثل كل ماهو مرتبط بالتعلق بالماضي لإيمانه الشديد إن العصر الذهبي للبشرية كان في الماضي , و النظرية دي تشبه النظرية المصرية العتيدة بتاعة…

البوصلة الاخلاقية

مساء الخير..

عندي مشكلة تخص بوصلة الأولويات و الأخﻻق مع الإخوة اللي بيلمحوا خبر قيام مجموعة من البوذيين بالمطالبة بتطبيق الشريعة البوذية و ذبح و تصوير 700 بريء كل ذنبهم انهم سيخ او هندوس ، فيقوم راقعك تعليق فشيخ لوذعي فريد من نوعه مفاده "شوف إزاي بيشوهوا البوذية؟" او "جواتما بريء منهم" ، يعني في داهية الناس اللي ماتت و اتشردت عائلاتهم و آﻻم ذويهم ، لكن المهم ان منهج فكري لشخص بكرش من 2500 سنة تمت اهانته او تشويهه ، رغم ان نصوص المنهج ده تنص بصراحة على العداوة دي ولو قلت الكﻻم ده لصاحبنا البوذي الوسطي الكيوت يقول لك "كفاك تشويها لسيد المورتديلا" .


عندما تقنع البوذي ان انت افضل من غيرك و تربي فيه إنه الصواب المطلق، فمش هتحتاج اصﻻ لنصوص عدوانية... الغلط اصﻻ يكمن في الفكر الأحادي اللي بيسوخ للباشا التابع عن طريق الدراويش المونكات و المعابد اللي للاسف تدعمها الدولة انه كائن فريد من نوعه، و اسباغ القدسية على الدلاي ﻻما طبيعي جدا يكون نتيجته مدمرة ان عاجﻻ او اجلا.

و بعد ده كله يجي شخص بيضوحباطي شنقيط ، يقول لك "العيب في التطبيق مش في النظرية"
يا صديقي لما…

نفحات أشعياءية

مساء الخير...

السير أشعياء برلين, في مقالته الشهيرة (حتمية التاريخ) بيقول إن الحتمية (الجبرية) في التاريخ إنك تشوف التاريخ بيخضع و يطيع قوانين , سواء قوانين طبيعية أو فوقطبيعية (ميتافيزيقية),بس برضه ده مش المصدر الوحيد ولا الرئيسي لفهم التاريخ, فرغم إن الراجل ضيّع حياته في نظرية لاتشرح عشوائية أمور كتير في الحياة بحجة الإستدلال بكام مثال على إن كل شيء مترابط و محكوم بخطة و قوانين فوقية و إن أي شيء غير كده هو إضطراب أو فوضى سببها إن الموجود لم يحقق الغاية المرسومة أو الموضوعةله من قِبَل المخطط (الخالق).


منبع النظرية دي واضح جدا خصوصا في تبلورها عند التجريبيين و الجبرية و إلغاءهم للإختيار الحر هو ديني صرف , يحاول إضفاء تبرير تاريخي بحكم المذكور سابقا على الآتي لاحقا , بناء على فرض نسبي , أيضا مشكلة الإتجاه ده - والتي اراها أزلية و كارثية - هي الإحتياج دائما إلى مطلق (سنّيد) عشان يلملم جوانب النظرية, لإن بدونه النظرية هتكون خواء تام غير مفسر و خصوصا لو نسبت التخطيط و القوانين إلى اللاشيء, وهنا هنقع في معضلة تاريخية شهيرة, معضلة تفسير العشوائيات..
يمكن تلخيصها في السطر ده:

عشوائية و قوانين ف…

عن الشحرورة شخصا لا فنا

مساء الخير ...

رغم اني مش من محبي صباح فنا، لكني بالتأكيد من المعجبين بيها شخصية ..
الست دي ﻻتلتفت للتهافتات على السخرية منها، وﻻ تهتم لما لدي العالم ليقوله عن اللي مفروض تعمله او الحالة اللي ﻻزم تستكينها عشان ترضي مجموعة من المرضى النفسيين اللي عايشين في فجوة زمنية و افتكروا انهم الصح لمجرد إنهم كتير.


الست دي عايشة حياتها بالطول و العرض، و اعتقد ان حياتها مابتإذيش اي شخص اذى حقيقي..بتنبسط و تعيش الحياة اللي هي متاكدة منها.. بعد ما افنت شبابها في عملها و اتقانه ، فهي ماعندهاش وقت للاستماع لوصاية اي شخص عليها و خصوصا هؤلاء المهووسين بالموت..

‫#‏الشحرورة‬ بتحب الحياة وسط مستنقع غني بالموت..
اتمنى لو وصلت لعمرها افضل بروح الطفل جوايا و استمتع بحياتي ضاربا بآراء الحشريين عرض الحائط.

علاقة ثلاثية بين الفيلسوف و النار و المؤسسات الدينية

مساء الخير...

هناك عﻻقة ثﻻثية وثيقة بين الفﻻسفة و المؤسسات الدينية و النار، و تكون العﻻقة كالتالي ( فيلسوف يكتب كتاب يقول كﻻم مايعجبش الكنيسة - الكنيسة تحرق الكتب- و قد تضطر احيانا لحرق الفيلسوف نفسه).

تقريبا كل فلاسفة ماقبل عصر النهضة و التنوير إتشقلطوا في حوار الكنيسة ده، حتى فلاسفة غير مشهورين نسبيا زي بييترو بومبوناتز اللي قال ان الروح البشرية ليست خالدة، فالكنيسة إتقمصت و حرقت كتبه.


مما يجعلنا نتساءل منذ عصور الظﻻم إلى يومنا هذا سلطة الوصاية الأبوية عايزة ايه تحديدا غير ناس ﻻ تفكر و تردد كل اللي هم عايزينه و خﻻص فإيه جو المجددين في الدين و الشيخ المعتدل و الحوارات دي؟...
ماتخلصونا من التجمل و قولوها صريحة..

عن زينون الرواقي و الصداقة

مساء الخير..

زينون الرواقي قال في عمله الشهير (الجمهورية) حيث تصور الحياة في نظام طبيعي , كل شخص فيه بيلبي طبيعته, و رغم تضاربات و تعاكسات المفاهيم دي, و إختلاف طبائع البشر و أفكاره الدوجمائية الأناركية اللي مهدت لفكرة المجتمع اليوتوبي اليساري, إلا إنه قال كلمة مهمة جدا بخصوص الأصدقاء أنا أراها شديدة الدقة و الحكمة.

قال زينون إن الأصدقاء هم فقط من يملكون الحكمة , غير ذلك فهم أعداء, يعني اللي حكيم من أصدقاءك فقط هم أصدقاءك فقط, أما الباقي فتصنفهم من أعداءك , لإن إنعدام حكمتهم هيضرك و مش هيفيدك, أنا عارف إن في مفاهيم مختلفة لموضوع الصداقة دي منها ماتبيته لفترة من حياتي وهو إن ممكن الصديق يكون من ينفعك أو من لا ينفعك ولا يضرك, لكن خلينا نحكم من منظور الفترة اللي عاش فيها زينون و تشابهها مع ظروفنا الحالية ,من تقلبات سياسية و مفهومية للمواطنة و الفكر الموازي, بيخلينا مش بنعرف ندي وقت كافي , للمحايدين عشان يحددوا موقف, إحنا عايزين اللي بيفيدنا و بسرعة, و بيواكب تغيراتنا الجذرية الفكرية الكبيرة.


يبقى نخلص من الموضوع ده إن كلامه يمكن الإتفاق معاه في ظرف معين بالفعل, و في الباقي قد يكون لينا حكم…

رسائل - من مجموعة نصف انعكاس

رنة تلفون قصيرة صحتني من النوم..

وصلت لي رسالة , مديت إيدي ناحية التلفون و دُست على الشاشة بهدوء أفتحها .. كانت فيها كلمة واحدة "وحشتني" و شكل معمول من علامات الترقيم مقصود بيه بوسة (:*).

إتسللت بسمة لشفايفي و أنا بأردّ بنفس الشكل و بعديه "إنتي أكتر"

حطيت التلفون جنبي على السرير, و دارت مناقشة غير مسموعة بين رغبتي للصحيان بدري يوم الأجازة و شهوة إحتضان السرير الدافي و الرجوع للعالم السحري للنوم.

لكن الأمر إتحسم لما رن التلفون تاني يعلن عن قدوم رسالة تانية:

- "كنت سهرانة بأفكر فيك, إنت صاحي من بدري؟"

- "لا طبعا أنا كمان فكّرت فيكي كتير"

- "بجد؟"

مافيش مانع من الكدب, في النهاية أنا بأهتم بأمرها فعلا, و كدبة بيضا تفرّحها مش هتضر حد, يمكن ماسهرتش طول الليل أفكر فيها فعلا, لإن جسمي عنده أولويات لاتتفق مع رغباتي غالبا, بس مش معنى كده إني مابأفكرش فيها فعليا!, أو أغلب الوقت..

أو على الأقل لما أكون محتاج إني أفكّر فيها, رجعت أرد عليها و أنا مش عارف تفكيري ده خد قد إيه وقت في الواقع:

- "بجد جدا, هو أنا عندي حد غيرك أفكر فيه؟!"

- "يا حبيبي.…

صراع أجيال و بتاع

صباح الخير...

ولا يزال الصراع الجيلي مستمرا حتى يوم عيد الحب المبارك أعاده الله على الأمة الإسلامية باليمن و البركات, و والدي لازال مصمم يصحيني لسبب غير واضح الساعة 4 فجرا, ضاربا بمواعيدي عرض الحائط, معلش أنا ليّا نظرية في الموضوع ده خارج نطاق نظرية (أصله خايف عليك و على الحساب), أنا شايف إن النصوص اللي أوهمت السلطة الأبوية حق التدخل و النخربة في حياتك بدافع الخوف على الحياة الأخرى اللي أنا زاهد فيها أشد الزهد يعني, أصل إيه فايدة حياة تانية مع نفس الشخصيات الفاشلة؟!, مش نفس البشرية اللي كانت هنا هي اللي هتطلع فوق؟!.


نظريتي بتقول بقى إن النصوص دي ولو بدافع بيتهيء للبعض إنه خير و طيب , لكنها صنعت كائنات سلطوية بتنتهك خصوصياتك و إختياراتك, و بتفضل تعمل كده مدى الحياة, و هو مشكلة الفجوة و الصراع بين الجيل ده و اللي قبله إيه غير إن إختياراتنا مش عاجباهم, و عايزينا نختار إختياراتهم حتى لو إضطروا أحيانا يمشوا عكس الزمن و يدخلونا في ظروفهم و يحبسونا في زمانهم عشان نفضل على عقليتهم, و نختار نفس حياتهم...و ياريت هيعجب في النهاية, بالعكس ده إنت هتلاقي أبوك بيبص لك من طرف منخيره و يبص لمامتك و يقو…

عن خروجك من مركز الكون

في ناس لما بتيجي تقيّم غيرها, بتعاقبه بإنها لا تؤدي بديهيات التعاطف الأساسية بسبب إنهم مش متوافقين - من وجهة نظرهم - مع معايير جواهم, في الغالب هذة المعايير تتضمن أشياء مستحيلة سماعها زي سماع كرتون الأطفال, زي إن المناضل ده 24 ساعة في ساحات النضال, مابيقفش يعمل حمام أو ياكل, ولو كل أكلة غالية أو شرب خمرة, خلاص سقطت عباءة النضال عنه.

بتوصل أحيانا , إننا نحاسب الشخصية اللي بنقيمها دي على فعله لشيء من قبيل غراز البقاء البشرية, و نعتبر عدم تضحيته بنفسه لأجل إرضاء غرورنا لإننا في الغالب مش مؤمنين بقضيته أساسا نوع من إنعدام الفضيلة, إزاي ينجوا بحياته.. المفروض يموت عشان أنا شخصيا بجلالة قدري المواطن رقم (.......) عالميا اللي أهم حاجة عملتها في حياتي إني مشيت بدري 3 شهور عن إبن خالتي , أسبخ عليه من كراماتي و أديه لقب مناضل أو صاحب قضية أو أو أو....


الناس دي ماعندهاش إتساق مع النفس, و فاكرين الناس زيهم,انا يا سيدي بأناهض لاجل مباديء , ولو لقيت فرصة أهرب من البلد هأعملها, مش عشان خاين ولا حاجة, بل عشان متسق مع غريزة البقاء عندي, مش مستعد اموت عشان ترضى عني فلانة أو علان و يترحم عليا ويقول ربن…

شروق , و غروب, و شاي , و سالي و المدير بتاعك

خليني أعترف في البداية إن دي مش أوّل مرة أتكلم فيها عن الغروب أو مدى حبي ليه, المدونة دي قدامك و الأرشيف مليان تدوينات عن الغروب, بس خلينا واقعيين, ده المنظر الطبيعي الخلّاب اللي تقدر تحصل عليه في أي مكان في العالم بالتساوي, ربما عشان هو بعيد عن إيدين البشر عشان كده ماعرفوش يوصلوا له و يخربوه, و أتمنى الوضع يفضل كده لفترة طويلة.

الشروق حلو, لكن شروق النهاردة عكّره صوت إنفجار في جبل المقطم نفض بيتنا المكون من خمس أدوار زي طفل بيتهشك...و ضيّع كل المود المتراكم من تشقيق الشمس للسماء و فرش ألوانها على الوجود,أنا حتى مش عارف أجمع كلمتين ورا بعض لتكوين جملة مفيدة,لعن الله صناعات الأسمنت و الثمانينات.

الغروب هيجي, سيب وراك كل الغباء المتعلق بإن شخص ما من سالف الأزمان قرر يتحكم في أعضاءك و حياتك, سيب وراك كل النقاشات الغبية عن أحقية الست الكبيرة بوظيفة المضيفة, سيب وراك كل هراء الرجم و الذبح و السلق و الأكل...كل ده بعيد جدا دلوقتي, و القريب دلوقتي اللي فاضل من الوقت قبل ما تبقى في وسط الهبل ده كله شخصيا, إستمتع بالباقي من حياتك البائسة يا غبي.

الغروب بيخليني أفتكر الحاجات اللي بأشتاق لها, إش…

أحاسيس لن تفهموها

عارف الراجل اللي على المعاش اللي حاسس انه في فجوة في مدى فهمه لعقلية الشباب و مودهم و مصطلحاتهم و حس فكاهتهم، إحساس الاستماتة بأي مساهمة عشان تحس انك فرد من كل إنك مش مستبعد، والدي بيمر بالحالة دي و انا فهمت ده مش عشان انا طيب و حساس و الكﻻم ده...ﻻ بس عشان أنا عارف الاحساس ده و عارف معناه و حاسه دايما ...حالة الانعزال ، حالة انك في كون موازي بتشترك مع الناس فيه مكانيا بس منفصل حسيا او ادراكيا، نظرة خيبة الامل في عينه و نظرة انه برضه بعد كل محاولة بيحس بالاحراج دي مفهومة بالنسبة لي كويس..كويس قوي.

و ده بيخليني مش عارف ؛ أينا اكثر بؤسا ؟ اللي حس بده في معاشه وﻻ اللي حسه و هو طفل ثم مراهق.و كلنا عارفين ان وقود المراهقة هو الانتباه ، كلنا و احنا مراهقين بنتحول لنوع من ال attention whores .

الراجل ده برضه مربوط إلتزاميا نحو عيلة، مطالب دايما بتحقيق طلباتها على حساب رغباته البسيطة اليومية ، مرة تانية نفس الشراكة و نفس التساؤل عن البؤس.... الناس من النوعية دي الحاجات اللي بتسعدهم بسيطة جدا و غالبا طفولية، و أجمل حاجة تعملها لهم إنك تديهم الاهتمام و شوفهم بيتحولوا من شخص كتوم لشخص رغاي و حكاي،…

يوم لا ظل إلا ظلها

صورة
لن تضميني كرأس وعل فوق مدفئتك في عرض فاخر للضحايا  تسلين به ضيوف قلبك الأجوف  أنا لست مائعا .. لا أميل مع أي ريح تعصف الأوراق إن إستجديتي عشقا مني فكل ما ستجديه هو نُبلي مع النساء أنتِ لست الفائزة بقلبي أنتِ لحظة عابرة بين الخريف و الشتاء تنقلب فيها أوضاع الدنيا من سمت الخريف و غربته لحزن الشتاء الطويل.. لكنكِ تذوبين.. تذوبين كالثلج إذا ولَى الشتاء و ترحلين..و تتركين العشاق واجمين يحدقون في السكون يستقبلون هلع الوحدة  ستتغيرين, و تأتين كالصيف ثابتة رتيبة حارة ترهق الرجال.. كالشمس تبددين العتمة.. لكنني يا من تبسطين نفوذكِ على كل الرجال  أستظل حبيبتي.. فهي الأبقى يوم لاظل إلا ظلها..

حناجر تئز بالغضب

صورة
مدينتي تهوى الصراخ , تهذى بحكاية غريبة عن عالمي, غريبة عن فكرة الإنسان..عاشتها مدينتي و قالت أنها أيام عزّتها, تخبرني جدتي التي لاتزال مرسومة على أصداغها أصابع الرجال, أنها كانت مليكة في زمان المن و السلوى, و أنني في أيام سف الملح هاتة لاندرك حقيقة ماقد فُقِد.

و الان كبرت يا جدتي , و رغم أننا لا نعيش في جنة إلا أنني أدرك ما قد فقد, و أسعى لفقد ما تبقى منه داخلي, أتملص من ذلك التاريخ الغاضب الغاصب, من عاري و مآساتي و دمامة وجهي في مرآة الحاضر , حين أرتدي كما كنت طفلا قناع ماض لم يعد يناسبني, لم يعد يناسب العالم, إن مدينتي يا جدتي رغم عشقها لهذا الماضي القبيح المليء بالقيح و الصديد , إلا أن هنالك شوارع فيها تشتاق لشرفات مزينة بالورود , و شمس تطل كراقصة روسية عند الغروب, و تشتاق لعشّاقها الصغار يتبادلون قبلة حميمية عند طريقها الممهد حديثا و الملاصق للشاطيء,قبلة توئد الهلع , دون أن تلاحقهم سفاهة العجائز , و خرافة عن جحيم و لهب, و رغم هذا فباقي أحياء مدينتي لازالت ترى الصراخ و الخطى الزائغة للوراء حلّها, و حينها فقط أصرخ "تحرروا من أغلالكم!".

و مدينتي ثكلى, جوعى عطشى , تستجدي لق…

في مغازلة سيدة القمر

صورة
سألتني..
و يداي تنهب صحراء خاصرتها الطرية بحثا عن اللامأوى
"هل الرب موجود؟"
أجفلت لحظة و قدّرت أنني لم أذب بها جيدا ,و إن ملامساتي لها لم تكن بالشغف الكافي,أجبتها "طالما نحن موجودون فهو موجود" لا تستفزي الفيلسوف بداخلي كي يمخر عباب النفس البشرية, نحن نعشق عجزنا , بالضبط كيف نعشق ألمنا حين الشبق, فتتمخض دواخلنا عن أكبر الأكاذيب عبثية و أجملها رومانسية, رومانسية تثير في النفوس لوعة العدم, و تحيل جهلنا بالظلام القابع من فجر التاريخ خلف أعيننا , إلى مصباح خافت, لا نرى منه شيئا جليّا لكننا نتصيّد به الأشباح.

أصمتي!.. و القمر يطل من سرّتك خجلا ينادي عليّ شهيّا بضّا لأتذوق حلاوة الإيمان بمعجزتك, لست أهتم بإعتناق دين يا حبيبتي الآن, فأنتِ ربّة هذة اللحظة,لا أريد سوى سماع ترانيم لذّتك ... لا وقت لدي لكشف مستور, أنا ميّت و كلنا ميّتون , و كل ما ظنناه حقا مطلقا سيوسّده التراب معنا.

أخبريني كيف تكملين دورة في السماء دون أن تمرّي ببرجي, دون أن يبرح عقلي سكونه, أخبريني ما الغاية من كشف شيء؟ سوى أن تحمل نفسي شقاء الإنضباط , و أنا يا سيدتي أضبط بوصلتي بإتجاه القمر, ذلك العزيز الذ…

أن تشرب معي فنجانا آخر من القهوة

صورة
لقد شاءت الصدف أن أولد ذكرا..
طبقا لآخر مرّة تفقدت فيها ظروف البقعة التي أسكن فيها من العالم, فهذا يعتبر حظا وافرا..ربما ليس في حالتي الخاصة حيث رزقت حياة مختلفة المعايير,لكن لنقل "عامة" هذا رائع إلى حد ما .. لا تتحمس يا من وضع يديه بالصدفة على هذة الكلمات التي أكتبها كأسير نازي يدرك نهايته القريبة و برلين تدخّن بعصبية و حزن كساقطة متوترة.

خمسة عشر , هذا عدد السنوات الذي تمنيت أن أتوقف عنده عن النمو و الزيادة في التعداد, لا أدري كيف ؟, كنت صغيرا جدا لأدرك إستحالة هذا, كنت أتصوّر أنني سأبقى في عمر الخامسة عشرة للأبد, كصدى ذكرى تركض على شواطئ مخي تداعب الأمواج طرفها و تتركها مغرقة بالماء و بعض زَبَد البحر.

إقتربت من عامي الثلاثين, أصبحت أحب القهوة التي لطالما سخرت من أمي حين تشربها ..كيف تتحمّل شرب هذا المسحوق الكئيب.. القهوة لا تبعث البهجة! , بل تبتعث كل ماهو مقضب و حزين و مظلم, و كل ما يتعلق بالشيخوخية و له طعم العَجَز.
أصبحت أحترس لما أتناوله, أصبحت فظا مع غرائزي أكبحها كما يرتضي لي مجتمعي,أمارس رياضتي الصباحية بعد أن أوئد بعضا من أمنياتي التائهة كفراشات عاثرة الحظ بجوار ح…

كيف تكتب مقالا يساريا

صورة
إبتدي بكلمة "منذ" , 73% من المقالات اليسارية بتبتدي بكلمة منذ و لازق فيها وراها على طول حدث جلل زي الثورة الصناعية, أو سقوط الستار الحديدي , أو إنفصال إقليم الصراصير المريخية عن كوكب زيتا , المهم أن هناك حدث تاريخي إستثنائي هتبني عليه ثوابت تستمر لـ500 سنة قبل ما تنتبه إنك صنعت ديكتاتور , ديكتاتور جاهز بعابديه بالمدافعين عنه , و قبل ما تنتهي بلادك إلى مصير مجهول و تصر على إعادة التجربة.
إرفق في مقالك إسمين تلاتة من المفكرين الشيوعيين الصينيين اللي بيركبوا الناس و بيحاولوا كل جهدهم لصناعة بلد متساوي من الفقراء, و بعدها روح إتعالج بعلاجات و إكتشافات الأدوية اللي صنعتها و وضعتها للإنتاج الضخم شركات رأسمالية بسبب الامراض اللي جات لك, إتكلم كتير بصيغة المغلوب على أمره , و أحشر كلمات زي "حقوق الغلابة" و "الكادحين" و البلرويتاريا" و "الثورة العمالية القادمة" و اللي المواصلات إتأخرت بيها شوية , و بعدها سب و إلعن الموبايل الصيني الرخيص الرديء اللي كتبت عليه المقال.. إتكلم عن قد إيه إحتكار الشركات المتوحشة هو السبب و إنهم بيقهروا الغلابة و بيمتصوا د…

الولادة منتحرا

صورة
وضع سمير الكرسي الخشب في نص الأوضة, تحت المروحة بالضبط, و في دماغه السؤال اللي يهمه حاليا..

هل هتستحمل حديدة المروحة ثقله عليها, و تقوم بالمهمة؟ ولا هتتقطم و تنزل على دماغه, هو عايز موتة نظيفة و هادئة - حسب إعتقاده - مايكونش فيها دم , أو ألم.

حبل تخين في إيده بص له و ركنت على شفايفه إبتسامة ساخرة على حاله, حتى الحبل اللي هينهي حياته بيه إستلفه من جاره.."على العموم كل حاجة هتنتهي قريّب"... فكّر في كده و هو بيربط طرف الحبل الأعلى في المروحة و بيعمل حلقة في طرفه التاني تستقبل راسه كمان دقيقة.

غلبته الدموع لحظات , و إتمنى إنه يبقى في حل تاني و الخوف إتملكه , الخوف من اللحظة و الطريقة اللي إختار يموت بيها, الخوف على اللي هيحصل بعده, الخوف من اللي هيحصل من المعلّم عبد التوّاب لو وصل له هو و رجالته الأوّل.

الخوف هو المحرّك الأهم في حياة الإنسان, و غالبا محرّكه ناحية مماته..سمير إنتبه إنه محتاج يغيّر وضع الكرسي لمكان مش تحت المروحة بالضبط, حط في إعتباره إنه لازم مساحة لجسمه يتدلى منها, هو مش خبير إنتحارات , قليل لما الحياة بتصنع خبراء إنتحارات, القبور مليانة هواة في الإنتحار أما الخبرا…

الحب في موسم البطاطا

صورة
"إذا أحببت أحدا بشدة , فكُل معاه بطاطا, لو كلمك بعدها , تبّت فيه بإيديك و سنانك...مش هتلاقيه تاني"

و ممكن تستبدل البطاطا بالسمك أو المانجة و أحيانا البطيخ, أو أي أكلة تجعله في حالة مزرية , عشان يظهر أمامك على حقيقته لما تضطره الظروف لإظهار عاداته الحقيقية و طباعه اليومية..و كل حاجة بيخبيها وراء وش "شون كونري" اللي بيلبسه دايما كل ما يبقى معاكي و معجبه بيه و برزانته, خليه يفقد رزانته و أناقته, و إنتي كمان ممكن توريه ماذا ستفعل الجميلة سندريلا وقت ما تبدأ المانجة في الزفلطة من إيديها لتتحول إلى شامبانزي يحاول فرض سيطرته.

هناك رونق للعلاقات اللي بتقدر فيها تكون على طبيعتك, إنك تحب حد معناه إنك تقدر تعمل كل حاجة بتعملها لوحدك قدّامه, كإنه مش موجود , إنك تكلمه كإنك بتكلم نفسك, دون الشعور بحرج أو غرابة من جملة معينة أو أسلوب محدد.. إرتداء قناع العشيق المستعد دائما السعيد بإستماعه لقصصك اليومية دائما هو حمل , حمل سخيف و ثقيل بيخلي كتف صاحبه أطنان و كل ده لحظات قبل ماينفجر و تنهار علاقة كل ذنبها إن الطرفين بيعتبروا نفسهم في كل لقاء داخلين حفلة منتصف الليل في فندق 7 نجوم ,…
كلما نظرت حولي أدركت أن محاولة الرقي بالإنسان هي كذبة.., كذبة جميلة نحاول إغراق أنفسنا بها حتى تقتلنا ,و أن الإنسان لازال لم يتخلص من بقايا الحيوان الصيّاد في داخله لازال يكره كل ما لا يشبهه ولا يشبه توقعاته و يهدمه, و ينسى أنه أسخف دخيل على الحياة و أكثرهم تكبرا و تعنتاً.

ما أهميته؟ لماذا هو مميز؟ سوى بفكره و تطور مشاعره و قدرته على التعبير عنها بأساليب كثيرة و بتنوع كبير , لكنه عندما يتخلى عن تعاطفه و إحساسه بالجمال و إنبهاره بالطبيعة يصبح أقل من أي كائن آخر.
لا أتفق عامة مع تشبيه الإنسان بالحيوان , حيث أننا عادة نقرن هذا التشبيه بنبرة سخرية و إستعلاء على هذة الكائنات التي نشعر بالتفوق عليها , فرغم إنحداره من نفس المملكة الحيوانية , و رغم أنه لم يختلف كثيرا عنها لكن الإنسان تمكن من التطور في مسار مميز جعله يظن أنه إنفصال عن كينونة الحياة الأكبر , و رغم أنني أتفق معه في إنفصاله إلا أنني أختلف معه في نوعية أو فحوى و شكل الإنفصال فالإنسان عامة بكل معتقداته و مذاهبه مؤمن أن إنفصاله كان إصطفاء له سواء عن طريق القوى العليا أو بأفضلية الإنتخاب الطبيعي ,نبرته دائما متعالية حيال هذا الشأن, …

مرحبا بك في أرض بقلظ - بالاشتراك مع محمد فتحي

صورة
مرحبا بك في كوكب الأرض أيها القارئ العزيز ربما أنت تحل ضيفًا علينا لذا فيجب علينا أن نتحدث معك في قوانين الكوكب لكى تستطيع العيش معنا مسالمًا ممتعًا فأهل الأرض هنا منشغلين ليل نهار بتفخيم و تجميد ( بقلظ ) و غالبية أهل الأرض حتى المتعلمين و اصحاب ( التكاتك ) يضعون بضعة ملصقات تحث بقلظ على القليل من المعاناة اليومية و لعلك تتساءل من هو بقلظ ؟ و ما هى وظيفته ؟ فهو صاحب هذا الكوكب و تقول المراجع التاريخية بأنه امتلكه بقانون ايجار قديم و تم سرق العقد المبرم بسبب كوارث جيولوجية و سكان الأرض حاليًا في انقسام ميتوزي شديد تحولوا إلي ثلاث فئات فئة تقول بأنه صاحب هذا الكوكب و العقد بحوزتهم ، و فئة ثانية تقول بأنه صاحب هذا الكوكب لكنه تنازل عنه إلي ابنه ( بسطرمة ) و فئة ثالثة تقوله بأنه صاحب الكوكب و داخل شريك في كواكب صديقة و هو الذى يأجر لهم الشمس في فصل الشتاء رأفتًا بحالهم و بحوزتهم بضعة عقود و كلمات شرف و بضعة صور تثبت وجوده في حالة وضع اليد ... و بعد عزيزي القارئ أن اطلعت على وضع بقلظ و اولاده فيجب علينا أن نآخذك إلي قوانين آخرى و في النهاية ننزل إلي الأرض معا .

بقلظ لا يحب المشاركة, يبد…

نصف إنعكاس 7 - قلبها حلويات 2

صورة
قلبها حلويات
و كف الراحة, عمره مالمسها بالراحة
كإنه يصعب على عينه تعيش العمر مرتاحة
دي صبية بقلب فيه تجاعيد
ملامح زي الورق أبيض
دابت من كتر ما إتمسحت
و أحبارهم لو بتكتب فيها كلمة سعد
قصايدهم ع الخد دباحة
***
بعد دقيقتين رن تلفونها..

رغم إنه مش الرقم اللي مستنياه لكنها إبتسمت بركن شفايفها نص إبتسامة,على الشاشة ظهر إسم (أدهم) حبيبها, أكيد بيحاول يصالحها, لكن الوقت مش مناسب, صعب تلاقي مساحة في قلبك تسامح حد في الحر ده..

خرجت منديل من شنطتها تمسح بيه نقط العرق على راسها و فجأة بصت للمنديل و سرحت, إفتكرت إنها أوّل من قال "بحبك"
في العلاقة دي , كانت أريحية و خروج عن المألوفة ...تلقائية جدا منها, كتبتها في منديل و حطيتها في علبته.


بيعيد الإتصال..

حاولت تطنشه لكن بعد الرنة الخامسة قررت تتخلى عن غرورها مؤقتا , و ترد عليه:-

- ألو...,ألو!

- .......

مكانش في رد أو صوت غير صوت أدهم من بعيد و ضحكة بنت.
أتسمّرت إيدها في مكانها, و حاصرتها مشاعر مش مفهومة لحظات...و في اللحظة الأخيرة سمعته بيرد "ألو..!" لكنها قررت تنهيها..
مش بس المكالمة..
لكن حاجات تانية كمان غيرها.

دمعة واحدة بس نزلت منه…

نصف إنعكاس 6 - قلبها حلويات

صورة
قلبها حلويات و رغم جمالها مكدودة..و مهدودة و تمشي ألف سكة , و سكة نصيبها في سكة مسدودة و رغم الطهر يملاها.. و بساطتها اللي من ع الأرض شايلاها أفراحها قليلة..معدودة يا حزن إوقف تسابيحك على طيفها بلاش الضلمة تكسفها و إيدك ع الظَهر مفرودة
***
نهار مشمس, و الناس بيهربوا من آشعة الشمس بالتركيز في همومهم, فيبان وشهم مكشر ماتعرفش من الحر ولا من التركيز.

وقفت هناك, بجسمها الهزيل و حزنها اللي كاسي ملامحها بتحتمي في الظل, كانت بتنتظر و تسرح بخيالها في اللي قاعدين على القهوة في الناحية التانية من الشارع, شخص منهم بالذات لفت إنتباهها , بهدومه الغامقة جدا و تركيزه في الورقة اللي بيكتب فيها, ركزت فيه لإنها حسِت إنه بيشوفها, بيبص لها لما تكون مش واخدة بالها.

رفع راسه لفوق فشافت ملامحه العادية جدا, بصّت لناحية تانية في الشارع و هزت كعب رجلها في ملل متوتر و زفرت نفسها.

من غير مقدمات أو سبب جت في بالها صديقتها (هبة) اللي بعدت عنها من شهرين, بعد عشرة سنين, من غير سبب.. أغلب الظن إنها سمعت عنها كلام.

و هو ده الغريب في الناس..

كلهم بيسمعوا..ماحدش بيشوف..

فجأة حست إنها ماتعرفش هبة فعلا, حست إن هبة خافت منها, رغم إنها هي ا…

في كون للأسف مش موازي

صورة
أدهم و زاهر لا يختلفون عن بعضهم, كلهم فاكرين إنهم يمتلكون الحقيقة, و الحقيقة الوحيدة أنهم لايمتلكون شيء , ولا حتى الكذب.

زاهر مش عارف هو بيتكلم عن إيه , و الحقيقة ولا حتى أنا لكن خلينا نتفق إن "هم" كاذبين, و إنهم بيستهدفوك عشان يتآمروا عليك و يصفّوك لو لزم الأمر!, حتى لو كان عشان يسرقوا شرابك المخروم.

أدهم على إستعداد لتصديق أنه  على مكان ما في الكوكب ده كائن ما ينتمي للجنس البشري على مضض مش مستعد إنه يصدق إنه بالأهمية القصوى دي لدرجة إن حد يهتم بيه , فضلا عن تخصيص عقله و جزء لا بأس به من موارده للإستحواذ على شَرَابه المفضل اللي عمه جابه له من ليبيا.

زاهر مصرّ إن شرابه المخروم هو  أفضل هدية جات له من عمه , و إنه الحل لكل مشاكل برد الشتاء, و مصرّ دائما على إنه يوريه للناس بتفاخر يغيظ و ينزل الشارع من غير جزمة لحد ما المارة يحسوا إنه المظهر مفروض عليهم , و لو حد إعترض على تصرف زاهر , بيكون مصيره إنه يسرق جزمته و يرميها.

أدهم قرر إن لابد التخلص من شراب زاهر و إن ده الحل عشان يخرجه من وهم المؤامرة عليه و يبدأ يبقى له حياة طبيعية , في لقاء بينه و بين زاهر كل الناس اللي لابسة جزم…

الإنسان : القضية الخاسرة 2

صورة
من أسباب كون الإنسان قضية خاسرة, عدم ثقته النظام أو الوعي الأخلاقي لباقي مجموعته, فضلا عن وعيه الأخلاقي الخاص, رغم إنه لحل هذة المشكلة (من وجهة نظره) إخترع الحياة الأخرى و ثوابها و عقابها , و لما لقى إن تأجيل العقوبات و الثواب على الأفعال الخيّرة و مكافئتها غير مُجدي و مجزي إخترع القانون و السلطة, لكنه لازال مش واثق فيها بالشكل الكافي اللي يؤهله للإنصياع التام مفاهيم الخير و الشر, و هنا بنسأل إيه السبب؟.

السبب في إننا مش عارفين نتقبل حقيقة بسيطة إن حقوقنا و حدوثها و ضياعها موجود في الحياة فقط , و إن لا وجود لما بعد الموت عشان نتطمن له و نعتمد عليه بتواكل و ضعف شديد و خنوع مطبق هو في كلمة بسيطة, الضمير...الضمير الفاعل الغير مشوّه و الغير موجّه أو مسيّس أو المعاد تشكيله بشكل ديني أو عرقي , ضمير حيادي فاعل مؤمن بنفس الأخلاق و نفس مفاهيم الخير و الشر بنفس المستوى للجميع , لو وجد الضمير ده بشكل و بنسبة كبيرة بما يكفي مش هنحتاج بس حياة أخرى بعد الموت!, بل مش هنحتاج قوانين أو حتى سلطة تدير العلاقات المجتمعية , هتكون جنة اللاسلطوية فعلا بشكل موقّع و حقيقي , لكن حتى الضمير محتاج مكافئة , و مك…

الإنسان : القضية الخاسرة

صورة
مختنقون..
زحمة الحياة يا برقياتي خانقاني, مش لاقي وقت أكتب مقالات أو قصص أو حتى لنفسي..
كل ما بصّيْت حواليّا أدرك إن محاولة الرقي بالإنسان كذبة..كذبة جميلة بنحاول نغرق فيها لحد ماتقتلنا, و إن الإنسان لسة ما إتخلصش من بقايا الحيوان الصيّاد اللي جوّاه, لسة بيكره كل حاجة مش شبهه و مش شبه توقعه و بيهدمها, بينسى إنه أسخف دخيل على الحياة و أكثرهم تكبرا و تعنتا.

إيه أهميته ؟ ليه هو مميز؟ غير بفكره و بتطور مشاعره و قدرته على التعبير عنها بأساليب كتير و بتنوع كبير, لكنه لما بيتخلى عن تعاطفه و إحساسه بالجمال و إنبهاره بالطبيعة بيبقى أقل من أي كائن تاني.
مش بأتفق عامة مع تشبيه الإنسان بالحيوان , رغم إننا عادة بنقرن التشبيه ده بنبرة سخرية و إستعلاء على الكائنات دي اللي بنشعر بالتفوق عليها ,رغم إنحداره من نفس المملكة الحيوانية و رغم إنه ما إختلفش كتير عنها , لكن الإنسان تمكن من التطور في مسار مميز خلاه يظن إنه  إنفصل عن كينونة الحياة الأكبر, و رغم إني متفق معاه في إنفصاله لكني أختلف في نوعية أو فحوى و شكل الإنفصال , فالإنسان عامة بكل معتقداته و مذاهبه مؤمن إن إنفصاله كان إصطفاء ليه, سواء عن طريق …

نصف إنعكاس 5 - ولدت لترحل

صورة
- مابتحبيش تتكلمي؟

- .....

- طب أنا مضايقك؟

- .......

- تحبي نروح مكتبي؟

بصّت له, و كإنها أوّل مرة تنتبه لوجوده في الأوضة معاها و قامت من على الأرض من ركن الأوضة و إتحركت ناحية الباب,فهم حسام من حركتها إنه عندها رغبة في زيارة مكتبه, و إن كان مش متأكد إنه هيكمل المحادثة دي هناك, المهم فتح باب أوضة الحجز المعزولة و راح لمكتبه و قفل الباب وراهم كويّس ,نظرة سريعة منها ناحية الباب المقفول و شك لوش حسام .

قعّدها على الكرسي اللي قدام المكتب و قعد هو وراه و مسك قلم و شد كشكول كان قدّامه و بص لها و سألها "هاه بقى يا ستي مش ناوية تتكلمي؟" ...و رغم إنه كان متوقع صمتها كالعادة فاجئته بصوتها الهادي الواثق "مش عايزة أتكلم,هتتكلم عشان مين؟ كنت لوحدي و هأفضل لوحدي, كلامي مش هيحبب حد في وحدتي, ولا هيخليه يفوق ..." , قاطعها حسام "عشاني,..إتكلمي عشاني", بصت في عينيه و كمّلت بنفس هدوءها :"إنت نفسك رغم إن الفضول هيقتلك تعرف اللي جوّايا لكنك بتعمل كده عشان خايف,خايف على كل حاجة كانت مريحاك و إتعودت عليها, خايف لتكتشف إن 1+1=3 و تحس…

نصف إنعكاس 4 - لمحة من الحقيقة

صورة
عند مدخل العيادة هزّت ممرضة راسها بإبتسامة و سلّمِت على حسام "إزيّك يا دكتور" رد رد مش واضح عليها و كمّل طريقه للأوضة المعنية ,كانت المريضة المشوّقة مستنياه هناك ,كانت هادية و بتاكل غداها, و دي كانت فترة مناسبة يريح جسمه المرهق من قلة النوم إمبارح على كرسي المكتب بعيد عن أي مرضى أو مشغوليات.

فجأة الزعيق و هوجة الممرضين فوّقوه , كلهم متجهين ناحية الأوضة إياها, و حالة هياج المريضة كانت أكبر من اللي فاتت , 2 عُمّال بيحاولوا يكتّفوها و التالت بيحاول يديها حقنة مهدئة, و هنا قرر حسام يتدخل"إستنى عندك!" بص له الجميع بإستغراب و صمت كإنهم مستنيينه يكمل كلامه ماعدا المريضة اللي صوت حركتها كان مسموع ,و هنا بعد ما إتراجع سنتي لورا لا إراديا من نظرتهم المفاجأة كمّل كلامه فعلا "سيب الحقنة دي هنا, و عايزكم كلكم برة حالا!", رد عليه واحد من العمّال "بس يا دكتور..." قاطعه حسام " ماتقلقش هأعرف أتصرف لوحدي"..

إضّطر الجميع في الآخر يخرجوا من الأوضة فعلا و سابوا الدكتور و المريضة لوحدهم في العالم الصغير بتاعهم.

- ماتخافيش أنا مش هأذيكي.

ده كان كلامه وهو بيقعد …

نصف إنعكاس 3 - سيندروم

صورة
"غريبة قوي الناس دي! ؟, خايفين...خايفين جدا..محتاجين يعرفوا إنهم مش لوحدهم, قدروا يقنعوا نفسهم إنهم لو إتجمعوا بكترتهم بنفس مخاوفهم ده هيغير من الحقيقة, لكن هم عارفين إنهم غلط..عارفين كمان إنهم ممكن يحمّلوا ذنب غلطتهم لبعض, عشان كده إخترعوا الديموقراطية..كده هيشيّلوا الذنب لبعض, و هيتوهموا إنهم مش خايفين من حقيقتهم اللي إترفضت"

كتب الدكتور شوية بيانات في ملف المريضة اللي شايله في إيده , و ضغط على طرفه عشان يدخل سنّه لجوة تاني قبل ما يحطّه جوّة جيبه اللي في القميص الأبيض المقلّم رصاصي خفيف تحت بالطو أبيض , و يلقي نظرة أخيرة على المريضة اللي قدامه قبل ما يعدل نظارته على منخيره و ينقل إستنتاجه كَخَبَر للدكتور اللي جنبه "الحالة مستقرة دلوقتي, الحقنة دي هتهديها و هتخليها تنام شوية , لو حصل جديد بلغني".

"حاضر يا دكتور حسام", كان رد الدكتور التاني قبل ما يدور دكتور (حسام) الناحية التانية و يتجه لباب الخروج من المستشفى, وهو بيحاول يتغلب على العرجة الخفيفة في رجلة الشمال من إصابة قريبة بسبب نفس المريضة.

***

- ألو ؟!
- أيوة يا حبيبي إنت فين؟.
- أنا في السكة وراجع,…

نصف إنعكاس 2 - بين القلوب

صورة
- يا مولاي أنا شايف إن الهدنة و القعدة مع الناس دي نشوف مطالبهم أحسن.

بنبرة غضب رد الملك:

- مطالبهم؟, طب و مطالب شعبي؟, عايزهم يقولوا الملك (فرانسيس) رضي بذل شعبه, بعد كل الإزدهار ده؟, إتخلى عن شعبه عشان رشوة؟ لا مش أنا يا (روجر) , أنا أول واحد هأنزل أدافع عن مملكتي و شعبي و أول واحد هيموت عشانها.

و كإنه حس بتسرعه , حاول يهديه :

- ماعنديش أدنى شك جلالتك, بحكمتك بعدتنا عن حرب الممالك , و قدرت تنفصل بإقليمك عن المملكة الكبيرة و تزدهر بيها, شعبك بيعبدك من عشقه ليك , و كلنا بنشوفك قدوة لينا بعدلك.

- يبقى أوامري تتنفذ يا روجر , إبعت مرسول ملكي للحدادين و صناع السلاح يشتغلوا بأقصى طاقتهم و يكون في السر, إذا كانوا واقفين ورا الجبل عشان يفاجئونا ,إحنا هنجيب المفاجئة لحد عندهم.

- أمرك يا مولاي, الجنود اللي متاحين للتعبئة الفورية حاليا 300 يا مولاي.

و رسم علامة تحدي بملامحه الملكية وهو بيقول:

- إعمل لهم إستنفار,قل لهم الواجب بينادي.

و دوّر ظهره ناحية روجر دي موبري , اللي إنحنى للتحية و ساب الأوضة و إنسحب في هدوء برة القصر.

***

ريحة مياة النهر و عطر شجرة البرتقال, لون السما مصبوغة بالغروب و إحم…