المشاركات

عرض المشاركات من يناير, 2014

الشيطان ,و الحياة بعد الموت

صورة
الطامة مرّت..
و الموتى لم يفرّوا من الأجداث ,بل فرّوا إليها..و إلتحفوا التراب, و صار اللحد الذي عصر نور عيونهم عنها احب إليهم من نور الشمس , و القيامة أزعجت الرفات المرصوص , و ترددت في جنبات القبور بحثا عن متلقن لم يولد بعد, و أبانا يريح ظهره على عرش العظام و الجماجم, تلك الهياكل التي سوّس الغدر بنيانها..كانت خير مادة تحمل جسدا عظيما كجسد الإله.

- لمن الملك اليوم؟!.
صاح أبانا , لكنه لم يرد أحد, كل الجثث إرتعشت , لا ندري من الصوت أو من إستشعار الخطر,أو عله إستشعار الحرج, فالنبرة حانية على أذن قاسمة على الظهر.
لم يرد على نفسه حتى , فكل وسائل العهر التي تغنّت في إسمه المقدس قد ملّت الحديث, و من يومها يعض الذين لم يفنوا و لم يجدوا لحدا شاغرا على أيديهم, ليتهم إتخذوا مع الإله سبيلا, و علموا حينها أنهم لم يقدّروا خطيئة الشيطان - إن كان لنا أن نسميها خطيئة - و لم يحتذوا حذوه في براجماتيته و كيف يكر و يفر.

إبليس , الذي لم تعرف "نعم" إلى لسانه طريقا, عرفها..هو يدرك أنه لا جدوى من جثمانه إذا أراد يوما حياة, إبليس يدري أن الأرض التي إمتلأت حتى ضجت بالموتى لن تزهر, حسبها إبتلاع المزيد,…

بين أفليك بين باتمان نولان و باتمان دي سي كوميكس

صورة
من فترة شوفت اعتراض الناس على كون دور بات مان هيروح لـ بين أفليك, و ده انا مقدره و فاهم سببه لإننا إرتبط في دماغنا سلسلة بات مان اللي عملها كريستوفر نولان , واللي بتتميز بطابع من الدرامية و التراجيدية و المآسوية و الاهتمام بالتفاصيل العاطفية و النفسية للبطل, و بقدر كبير بالجرافيك ,لكن في عالم نولان كل أبطاله مش خارقين, هم مجرد ناس قدروا يكونوا أبطال عن طريق التدريب و التمويل, ده غير ميله للطابع الفلسفي للقصة , لكن بين أفليك هيعمل شخصية بات مان الموجودة في DC Comics و اللي أغلب أبطالها خارقين بالفطرة...
لو مش فاهم قصدي إتفرج على أفلام باتمات الأقدم و اتفرج على الحركة و التمثيل اللي تحسه طفولي و اميل للكوميديا..هو ده العالم اللي خلقته دي سي كوميكس للشخصيات.

الفرق ممكن تلاحظه من عملية إعادة ولادة زي أفلام spiderman و The amazing spiderman و اللي كانت فترة خرجت سلسلة الأفلام من عالم مارفل فيها و رجعت له (كفرق بسيط سبايدر مان في القصة المستحدثة كان بيخرج الخيوط من كفه مباشرة بينما في قصة مارفل كانت عبوات صممها بنفسه بتطلق المادة دي, و دي كانت محاولة لمعالجة فكرة ازاي العلبة دي بتطلع الخيوط …

الطريق إلى المقياس

صورة
كان الإتفاق أن نتقابل في مبنى مقياس النيل و هو ساحة تضم متحف أم كلثوم و مقياس النيل المدعو هذا,و هكذا نمنا أنا و دعاء على أننا إتفقنا منذ أسبوع أن نزور حديقة الأزهر, ثم في اليوم الذي يليه إستقرينا على السينما, و في نهاية البارحة إتفقنا على أن لا نتغيّر رأينا ثانية و اخر كلام .....المقياس ؟, على ما أعتقد!!.

المهم إستيقظت باكرا و قبّلت الوسادة توديعا لها , و إرتديت ملابسي المُجهزة من البارحة - و هي عادة لا أقوم بها دائما - ثم إتجهت إلى الشارع بعد أن عدت أدراجي لسبعة مرات على الأقل لأنني نسيت أشياء تافهة كالسروال و الحافظة و البطاقة, أنتم تعرفون هذة الأشياء التي ينساها الجميع .
هبطت إلى الشارع و وجدت عم (......)  شخص ما كلما تذكرت إسمه نسيته, لا تحملني فوق طاقتي , أنا لست دليل الهاتف لأحفظ كل من يقابلوني!,قابعا بسيارته كالتنانين الحجرية في معبد التسعة تنانين,إستقليت السيارة و طلبت منه أن يوصلني لمحطة المترو و إستغرق المشوار 3 دقائق فنقدته أجره و هبطت من المركبة كحنكليس يعاني من تشنج عصبي بسبب ضيقها الشديد,و في دقائق قطعت تذكرتي و كنت في المترو التالي.

ثلث ساعة لأصل لمحطة السيدة زينب, و …

مسيّر أم مخيّر؟

الحقيقة ان الانسان مسيّر وليس مخيّر, لكنه مش بالضرورة مسيّر من كائن متافيزيقي او باجبار تشريعي او ايا كان, فعليا القرار النهائي لمعضلة (مسير-مخير) دي يعتمد على تعريفك لللفظتين, لو مخير معناها يستطيع فعل كل ما يمليه عليه عقله المجرد بدون تأثير او قيد حتى من جسده الخاص, فهو مخير حينها .. لكن ده مش حقيقي, الحقيقة ان جسمك مبرمج على منعك من فعل أشياء معينة, كمثال أكل مخلفات الحيوانات هو شيء جسمك بيمنعه لانه لا يستطيع هضمه, فهنا حصل مؤثر خارج عقلك يملي عليك أفعالك, إنت مش حر تاكل شيء زي ده في حاجة بتقول "لا ده مقزز ماتاكلهوش", في النهاية انت مسير , او ممكن تقول بشكل ما (ليس كليّ التخيير).

عرّف العدل

تخيل انك شخصية في لعبة..
مطلوب منك تعرف صاحبها و مبرمجها و تقرب منه
و قدامك فرصة واحدة عشان تختار
و تدخل اللعبة بشخصية فيها جليتش معيوبة!
عرّف لي العدل !

طبّال بلا مايسترو

صورة
بعض المناهج الفكرية مشكلتها في الأرض اللي إستندت عليها لتنطلق في إستنتاجاتها و تفاسيرها, و بتشغل الناس دايما في الصراع على مذهبين منبثقين منها كل واحد فيهم فاكر إنه أكثر مطيلية مع الواقع, مع ان الحقيقة إن أساس و أصل الإتنين خاطيء في منطقة, هو ده اللي بأحسه لما أشوف صراع الاراء الدينية الاصولية خصوصا و هو شيء مخزي و مضحك للغاية محتاجة صرخة صادمة في وجوههم!

أحيانا يحتاج الجميع لفترة أجازة فكرية من الصراع الدائر, و  يبتدي يرجع فعلا للأساس عشان مايستهلكش طاقته في نقاش مبني على تراب مهتريء, و خصوصا لو كنت بتعاني من مشكلة في إثبات الأساس الي إنطلقت منه , و معتمد فقط على قِدَمه و الدوجماجية المحيطة بيه عشان تستدل على صحته و تجعله مطلقا , رغم إن الواقع بيقول إنه نسبي و إنه مجرد وجهة نظر لنفس الملحوظة الأساسية, و إنك خلقت الفكر من التبرير اللي ما إتأكدتش لغاية دلوقتي هل هو فعلا يجاوب على كل الأسئلة التي يمكن طرحها ولا لأ؟!.

و بكده تتحول لطبّال بلا مايسترو, بتوهم نفسك إنك ملك الاوركسترا و إنت في عزف منفرد تتنافس فيه مع عازف منفرد آخر في أيكم يصدر ضجة أعلى من التاني,لو كنت هتختار تبقى عازف منفر…

جنون التوليب, حين يصبح رمز الجمال رمزا للذعر

صورة
التوليب زهرة بصلية شتوية لها 100 نوع تقريبا موطنها المغرب و الصين و اسيا و الاناضول و أوروبا و إيران,بس بما إننا في مش في درس أحياء فيهمنا أكتر حادثة الفقاعة الإقتصادية  الشهيرة بإسم جنون التوليب و اللي حصلت في هولندا (هولندا معناها الارض المنخفضة) 1635 - 1637 , الزهرة أصلا إتعرفت في هولندا قبلها بسنين, لكن الجديد إن واحد إسمه (كارلوس كلوسيوس)- عالم نباتات - قدر , يستنبت بصلة للزهرة تقدر تعيش في الظروف الصعبة لهولندا لفترة أطول (من بصلة جات له عن طريق تركيا, من باب البحارين و التجاريين بسبب علاقة الصداقة بين الحاكم و الإمبراطورية العثمانية آن ذاك).

المهم مع الوقت التنويع على الزهرة زاد و بقت في أنواع منها اللي على رسمتها شكل نار أو ألسنة لهب, و بقت رمز للرفعة و التظاهر بالغنى , فزاد اللإقبال على شراءها بشكل جنوني رهيب و إرتفع سعرها جدا لدرجة إنها وصلت لأكتر من 1000 فلورينة ( خد في علمك إن متوسط دخل الفرد السنوي 150 فلورينة) , و ال240 فلورينة بتشتري 10 خنازير , و مع تزايد الطلب و إبتدى الناس يقايضوا عليها مزارع و ممتلكات, عشان يشتروا الزهرة, و كان طبيعي إن الإرتفاع ده ينتهي بعد الحالة…

فضيحة جديدة لصافيناز بمايوه مثير- بالصور

صورة
هو إحنا مش هنفضها سيرة بقى, رقاصة ..بترقص..و بتكشف جسمها..و شفناه مليون مرة, خلاص المفروض يكون كل غرائزك الحيوانية و الانسانية و الفضولية الإستكشافية يا عم إنديانا جونز النساء خلصت و إنتهت.

و بعدين لحد الأن أنا مافهمتش إيه سر إهتمام الناس الغريب بمين لبست إيه؟, لحد الان أنا مؤمن إن نص مشاكلنا نابع من منخيرنا الطويلة اللي مش لاقيين مكان نحشرها فيه,و النص التاني من الفهلوة و ده طبعا بعد ما بنكتشف حاجة ماتخصناش بمنخيرنا

تأملات في إعتزالية واصل بن عطاء بين الجهمية و الأشعرية

صورة
و عندما تمخضت قريحة واصل إبن عطاء عن إفراز "حكم مرتكب الكبيرة" اللي أدى في النهاية لإعتزاله مجلس الحسن البصري و إنشاء فرقة المعتزلة , تمخضت قريحته بإفراز آخر أشد تعنتا من سابقه هو رأيه في الحرية "إنها حرام لإنها إكتساب صفة من صفات الكمال و الكمال خاص بالله وحده", هنا مشكلة واصل إنه إنطلق من المطلق و قرر عدم التعرض ليه في مقابل إنه نقد النسبي, و طبعا لإن المطلق (لا يُمَس) فكان من المقتنعين برأيه ناس كتير.

غرام في مركبة الفضاء

صورة
و أنا صغير كنت دايما بأبص للسما مستني في أي لحظة إن مركبة فضائية تنزل بأنوارها المتوهجة و شكلها  الغريب جنب بيتنا, تطلق شعاع نور أبيض يرفعني في الهوا و يطلع لي كائنين خضر يقولوا لي, إحنا متأسفين إحنا إتلخبطنا و بعتناك على الكوكب ده غلط , و إحنا عائلتك الحقيقية, و شكلك ده مش شكلك الحقيقي,و يمدوا سكينة فضائية يشقوني و يطلعوني من جوّة.