المشاركات

عرض المشاركات من مارس, 2014

دروس يومية؟

صورة
كنت إتفقت قبل كده أكتب كل يوم الحاجة اللي إتعلمتها في نهاية اليوم, و من ساعة القرار ده و أنا ملاحظ نزيف الوقت دون أي تعلّم, إن الإنتظار قاتل, و لهذا قررت إني أكثّف جرعة القراءة, أما الحياة, فأعتقد أنه ليس لديها لتقدمه أكثر مما كتبته في (قواعد اللاإكتراثية الأربعون) , واحد من أشهر مقالاتي , و ربما بعض الشرح الإضافي لبعض هذة القواعد, الحياة أصبحت فقيرة أو أنا اللي بقيت عجوز ملول بسرعة جدا, و إختصرت سنين من الأمراض, و الأحفاد المزعجين و الناس اللي بتتذمر منك و تفلت أعصابها بسرعة..ماتخلوناش ننسى إحتمالية الزهايمر ..كان ينتظرني عالم مسلي إختصرته بشدّة , و أطلقت العنان للعجوز الداخلي..و  الحقيقة أصبحت رغّاي جدا زيّه!.

هل يتسع هذا العالم لصمتي إذا ؟, لا أظن..
قرأت في رواية إن الصمت هو أحد أنواع البكاء , و رغم إني صاحب الشعور إلا إني تعاملت مع الموضوع كإني أول مرة أعرف ..كإني إكتشفت عينيّا مؤخرا ,أعتقد إن عندي غدد دمعية, لكنها نشفت أو ضَمُرَت من عدم الإستخدام, و أعتقد كمان إني مش ناوي أستخدمها في أي وقت قريب..

دموع مستعصية , و قلم و ورق , و موهبة مشكوك بأمرها لكني لا أنكرها..لو كنت أي شاعر ي…

توقفي عن كتابة المقالات

أعزائي رفقاء الكفاح و متابعيني من 2007 لحد الان -ربنا يصبركم عليا - ننقل لكم بكامل الاسى ، اعتزامي اخد اجازة لمدة شهر من كتابة المقالات الاسبوعية..مع استمرار حلقات يومياتي طوال هذا الشهر ...لكني قررت اريح دماغي من جهد البحث لكتابة مقال مما يأخرني عن انهاء الكتاب القادم في فترة مناسبة ..
القاكم على خير..

هكذا مات نيتشه

صورة
و من كونه أبا عليلا للوجوديين , لتنتهي حياته مش فاكر أي حد حواليه.. في ملكوت آخر , مُحطِمًا كل الأصنام في الغرفة الخلفية للحداثة, و اللي بتستعد للظهور بعد مرور الوقت,من الحاجات اللي بتعجبني فيه, هذا الرجل حداثي جدا , حداثي ليس عنده أدنى إستعداد للتراجع , لايوجد لديه موروثات , كل شيء بيتم تدميره بمجرد ما يتم التوصل لفكر غيره...نيتشه لم يتعلق بالماضي, فكان من الطبيعي أن يموت وهو لا يذكر حاضره ..ربما كان حاضره ماضيًا !

يموت نيتشه, و تموت الحداثة ..و ترتعد فرائص الشعوب , و نخاف كلنا في عز البرد من وحدتنا نخاف لإننا لأول مرة نبعد ظهرنا من على الحيطة المايلة اللي كنا بنتدارى عليها , بنتسند عليها, بنعيش بنموت .. بنتطحن فيها و عليها و بين ذرّاتها..مستصعبين رَفع راسنا للطريق قدامنا , مستسهلين الإرتكان للحيطة تاني.
يشوف الحداثة ذكر, و الذكر يقود الأمة, ممكن نشوفها إحنا من زاوية تانية بنفترض فيها إن التساوي بين الجنسين شيء بديهي, لكن نيتشه كان يعرف التفوق و القيادة, الرجل الذي فتح الطريق للإنسان المتفوق, بدون متسلط ,بدون رقيب يحاسب,بدون دين, بدون قوى عليا أعلن موتها أساسا تساعد الإنسان, إستغل و…

رغي مالوش لازمة مهم جدا !!

هناك شخص آخر أخطأ, بادر بشحذ أسنانك , لدينا وليمة لا بد من نهشها لكن ماتنساش بعد ما تتكرع إنك تدافع عن شخص آخر بتدعمه, أصل إيه هي فكرة الدعم غير إنك تقرر أن تتغاضى عن أخطاء الشخص المفضل لديك و تنقّب في أخطاء الشخص الأقل حظا من محبّتك.. العالم مكان مظلم و قاسي و معتمد تماما على تفضيلك لو نظرنا عليه من شباك عينيك..العالم هو فوهة بركان على وشك الإنفجار في دويّ صاخب يطيح بكل ما هو ثابت, الناس دي بنسميهم (الثابتون على المباديء), لإنهم بعد كل ده هيصدعوا دماغك بالكلام عن إن المباديء لازم تكون واحدة ولا تتجزأ في غباء جم يعلوفوق صوت المنطقية و الدراسة المتأنية للحياة و الشخصيات المثالية اللي هم حتى بيضربوا بيها المثل, و اللي أكيد إضطروا ولو لمرة في حياتهم يتحايلوا على المباديء دي عشان يحققوها بعدين..و إلا ماكناش هنسمع عنهم دلوقتي, و بعد تفكير أعتقد ده ماكانش هيبقى سيء قوي !.

الناس دي لما بتقرر آخيرا تستمع لإدعائي بإن الثبات على المباديء و التحجر يعتبر شيء سالب في شخص مثقف أي يدرك النسبية ولا يعترف بمطلقات متحجرة, عشان ما نلاقيهوش أحفورة في متحف الطبيعة في لندن, بس غالبا بيقرروا يِلووا المعنى …

لدينا الكثير من هؤلاء

صورة
لدينا الكثير ممن يظنون أنهم مهمين جدا , و يستتفهون كل من لا يهتم بكل إهتماماتهم جملة, لا نحتاج هؤلاء الواحد مرارته مش ناقصة..
و لدينا الكثير أيضا ممن تشرّبوا صنعة الفِرَق , لدينا الكثير من أشباه اليساريين  يفعلون كل ما بوسعهم ليبدو يساريين , يعترضون فقط , يربون شعورهم فقط و يتركون لحاهم كالمدائن المشتتة من الحروب بتتمرقع كفتاة لعوب متأخرة ليلا على وش الباشا...
الكثير من أغاني الـ underground التي طفحت في الوطن حتى أصبحت تيارا عاما, خارج التيار العام, و أصبح من لا يستمع لهؤلاء المبحوحين عديمي الموهبة سطحي وغد رأسمالي متفحش الغباء و التغيب.

ثم نغمة متوترة للغاية من معاداة الرأسمالية بشكل مستعر كشهوة حيوان غرير شبق أثناء الربيع ,و من الطقوس أن تفعل ذلك مرتديا بنطلونك الكاتبلير و تي شيرتك البولو و مفتتحا لحساب على تويتر مستخدما I phone , كي تستطيع الاستماع لفيروز أثناء النضال , أين ذهب النضال الماضي؟ حين كان اليسار يهتم بأمر الشعوب, لا يعترض لمجرد أن يظهر في الصورة كتلميذ يمضي حضور و انصراف.

ثم هناك مجموعة منعزلة عن التاريخ و الواقع تريد تطبيق تعاليم عمرها 14 قرن, لو كنا في مكان ما عاقل …

الجاثوم و رفقاء الحياة

صورة
في نوعية معينة من المشكلات الصحية بتخليك حاسس إنك أتعس الناس حظا , بس في نفس الوقت بتتكسف تقولها لإن بمجرد ماتوصل التفاصيل لشفايفك بتدرك قد إيه هي عبيطة و تافهة و غير مراعية لأحاسيس ناس مصابة بحالات تعتبر فعليا عذاب أزلي.
من ضمنهم الجاثوم , و هو تجربة الشلل السريري المريعة المصحوبة بهلوسات مرعبة من مخزون دماغك من الخوف, و انقطاع في النفس و الصوت فضلا عن عدم القدرة على الحركة و دول بيبقوا اسوأ 10 -15 ثانية في حياتك قبل ما تفوق من النوم و تحس إن جسمك مهدود و مخك اتضرب بخلاط . بس عشان تيجي تحكيها لحد فتحس إنك ضعيف جدا, حلم مخوفك و مبهدلك بالشكل ده؟! , و تتوقف عن حكي التفاصيل و تكتفي بالصمت.

عمرك حصل لك موقف مشابه؟
الحقيقة ان الجاثوم واحد من رفقاء الكفاح , بيجي لي من وأنا صغير جدا ولازال مستمر لحد الآن بشكل متواتر أحيانا يختفي شهور و أحيانا يجي يوميا..و طبعا هو تجربة شهيرة..مش مستبعد كمان سنتين أتونس بيه و يوحشني و المرة اللي بعديها لما يجي أخده بالحضن, بس لو شُفته .

نضمه جنب أخواته من رفقاء كفاحي, زي المرض و الشوكلاتة, و الناس اللزجة اللي بتبص لك بكره في المواصلات, الحاجات دي بتضايقك أو…

حادثة دي ولا إنقلاب؟

صورة
بعد ظروف صحية سيئة مريت بيها اليومين اللي فاتوا , إتحسنت شوية بما يكفي لكتابة هذة السطور, و بما لا يكفي للقيام بأي خدمة لاي شخص, على مقياس من 1 لـ 10 قضاء حاجات الاخرين تحتل المركز صفر, و عشان كده لو إنطبقت السما على الأرض مش هأتزحزح من السرير حتى لو القيامة نفسها قامت.

و ده نفس السبب اللي عشانه حاليا انا في الشارع مستني في العربية تحت البيت أختي الصغيرة عشان أوصلها المدرسة, لو لاحظتم فأنا كلمتي مابتنزلش الارض أبدا, اللهم أرزقنا قوة الشكيمة دي دائما.

و هأستغل الفرصة برضه لإعادة تحدي كل الإخوة اللي شايفين إن الإنسان كائن مميز بذكر 6 خصال تجعله أفضل من الفراخ, ولازال أحدا لم يجاوب, المهم إنك تفضل واخد في نفسك المقلب ده و تفضل فاهم إن الكوكب الجميل اللي عمره اكتر من 4 مليار سنة و  الكون اللي عمره 14 مليار سنة و بوسعه ده كله , معمول عشان خاطر 7 مليار حبة رمل فيه لو إختفوا ماحدش هيلاحظهم ولا هيعرف إنهم كانوا موجودين اساسا, إنه الكِبر يا سادة اللي صور لك إنك لمجرد إن عندك وعي و بتقدر تسأل سؤالين و ترسم رسمة حلوة و تصنع كمبيوتر ده معناه أنك أهم من الكوالا أو البلاتيبوس, أو إنك خطر شديد على …